U subotu 26 maja ŭ Halšanach adbudziecca vialiki fest «Halšanski zamak — 2012 — Karnavał stahoodziaŭ», jaki ładziać Ašmianski rajvykankam i turystyčnaje ahientstva«Historyja-Tur». «Naša Niva» daviedałasia, jakich cikavostak čakać na feście.

Što budzie?

Adkryjecca fiestyval, a dziasiataj hadzinie ranicy — mienavita tady pačnuć svaju pracu raznastajnyja placoŭki i projdzie parad retra-aŭtamabilaŭ.

A 12-j raspačnie vystupać teatr «Fłamieja», paralełlna pačnucca majstr-kłasy, na jakich možna budzie vyvučyć tancy roznych časoŭ — siarednieviečnyja, epochi Baroka i Reniesansa, a taksama tancy biełaruskich miastečak.

Aproč taho ŭ prahramie — rycarski i konny turniry, a taksama turnir łučnikaŭ. Pieramožcy atrymajuć pryzy.

Bližej da viečara, a 17-j, pačniecca kancert śpiecyjalistaŭ pa staradaŭnich miełodyjach i rytmach: u im voźmuć udzieł «Javaryna», «Stary Olsa», «Tutejšyja», «Unija» i DJ P. Balcevič. I na zajaršeńni festa — ahniavoje šoŭ.

Kolki kaštuje?

20 000 — školniki i studenty (pa studenckim bilecie).

40 000 — darosły kvitok.

Dla dziaciej da troch hadoŭ uvachod biaspłatny.

Jak dabracca?

Śpiecyjalna dla ŭdzielnikaŭ festa budzie arhanizavany aŭtobusny pierajezd ź Minska, Smarhoni i Ašmian. Košt dla školnikaŭ i studentaŭ — 90 000, dla darosłych — 110 000 rubloŭ.

Daviedki pa t.: velcom: (029) 677-00-46, (029) 653-65-40, (029) 922-10-85. MTC: (029) 577-90-89. Life: (025) 548-02-63.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?