Palitviazień Mikałaj Aŭtuchovič, jaki adbyvaje pakarańnie ŭ turmie № 1 Hrodna, nie vieryć u toje, što moža być vyzvaleny ŭ vyniku amnistyi, pra jakuju zajaviŭ Łukašenka. Jon miarkuje taksama, što šerah biełaruskich palitviaźniaŭ zastanucca ŭ niavoli.

Svaje dumki na hety kont Mikałaj Aŭtuchovič vykłaŭ u liście da białynickaha žurnalista Barysa Vyrviča, jaki adrasat atrymaŭ 23 traŭnia.

U pryvatnaści Mikałaj Aŭtuchovič piša: «Nijakaja amnistyja nie moža vyzvalić amal usich, akramia Daškieviča, Sieviarynca, Łobava i Kavalenki. Astatnich nie.

Kali zrabić amnistyju pad Statkieviča abo mianie, to z kałonii patrebna budzie vypuścić nie try z pałovaj tysiačy, a ŭsie dziesiać tysiač.
A na heta jon nie pojdzie nikoli».

Sa słoŭ Barysa Vyrviča,

pa liście adčuvajecca, što Mikałaj Aŭtuchovič nie złomleny i zachoŭvaje bajavy nastroj.

«Jon vykazvaje svaje mierkavańni nakont isnujučaj palityčnaj situacyi ŭ krainie, majučaj adbycca vybarčaj kampanii ŭ pałatu pradstaŭnikoŭ, stanu spraŭ u demakratyčnaj supolnaści. Adčuvajecca, što Mikałaj uvažliva sočyć za padziejami i maje nakont ich svaje mierkavańni, nastroj u jaho bajavy, złamać jaho ŭłady nie zdoleli», — kaža žurnalist.

Nahadajem, Mikałaj Aŭtuchovič byŭ uziaty pad vartu z 8 lutaha 2009 h. 6 traŭnia 2010 h. Viarchoŭnym sudom Respubliki Biełaruś asudžany pa č. 3 art. 295 KK (niezakonnyja dziejańni ŭ adnosinach da ahniapalnaj zbroi, bojeprypasaŭ i vybuchovych rečyvaŭ) da 5 hadoŭ i 2 miesiacaŭ pazbaŭleńnia voli va ŭmovach strohaha režymu. Rašeńniem suda ad 17 studzienia 2012 h. umovy adbyćcia pakarańnia byli źmienienyja na bolš žorstkija, jon byŭ pieraviedzieny z kałonii № 5 h. Ivacevičy ŭ turmu № 1 h. Hrodna.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?