Departamient vykanańnia pakarańniaŭ MUS Biełarusi padrychtavaŭ prajekt zakonu «Ab amnistyi» ŭ adpaviednaści z ukazańniem kiraŭnika krainy. Zakonaprajekt užo ŭniesieny na razhlad va ŭrad.
Jak paviedamiła ŭpraŭleńnie infarmacyi i hramadskich suviaziaŭ MUS, ź miescaŭ pazbaŭleńnia voli moža być vyzvalena kala 2,8 tysiačy čałaviek. Taksama płanujecca skaracić termin pakarańnia na adzin hod bolš jak siami tysiačam asudžanych.
Kali prapanavany varyjant zakonu budzie pryniaty, to ŭžo ŭ lipieni buduć vyzvalenyja: niepaŭnaletnija; ciažarnyja žančyny; žančyny i adzinokija mužčyny, jakija majuć niepaŭnaletnich dziaciej; invalidy I i II hrup; chvoryja na ankałahičnyja zachvorvanni; udzielniki likvidacyi nastupstvaŭ katastrofy na ČAES; paciarpiełyja ad katastrofy na ČAES; vieterany bajavych dziejańniaŭ na terytoryi inšych dziaržaŭ.
Akramia taho,
ad pakarańnia vyzvalać asobaŭ, jakija ŭčynili złačynstvy, što nie ŭjaŭlajuć vialikaj hramadskaj niebiaśpieki, i złačynstvy, jakija adnosiacca da katehoryi mienš ciažkich, ale pry ŭmovie kampensacyi škody, pryčynienaj złačynstvam.
Amnistyja nie raspaŭsiudžvajecca na tych, da kaho raniej prymianiaŭsia adpaviedny zakon. Nie padlahajuć amnistyi asoby, jakija nie pakryli škodu, pryčynienuju złačynstvam, i hramadzianie, jakija nie viarnuli dziaržavie dachod, atrymany ad niezakonnaj pradprymalnickaj dziejnaści. Nie varta spadziavacca na vyzvaleńnie tym, chto dapuściŭ asabliva niebiaśpiečny recydyŭ. Taksama
nie vyjduć na volu tyja, chto nie kampiensavaŭ vydatki na dziaciej, jakija znachodziacca na dziaržaŭnym zabieśpiačeńni.Nie budzie pasłableńniaŭ i abvieščanym u vyšuk u suviazi z uchileńniem ad adbyćcia pakarańnia pa vyraku sudu.
Amnistyja nie raspaŭsiudžvajecca na tych asobaŭ, jakija złosna parušajuć ustanoŭleny paradak adbyvańnia pakarańnia.
Amnistyja budzie pravodzicca ŭ Biełarusi ŭžo dvanaccaty raz ad 1991 hoda.U vyniku letašniaj amnistyi byli vyzvalenyja 2300 čałaviek.
