Źniataje na mabilny telefon zhvałtavańnie školnicy śvietłahorskija padletki pieradavali z ruk u ruki da tych časoŭ, pakul hetym faktam nie zacikavilisia supracoŭniki ŭpraŭleńnia Śledčaha kamiteta pa Homielskaj vobłaści.
Śledstva pačało nabirać abaroty, kali šakujučaje videa trapiła ŭ pole zroku adnaho ź miascovych milicyjantaŭ, painfarmavała pres-sakratar upraŭleńnia Śledčaha kamiteta pa Homielskaj vobłaści Maryja Kryvanohava. Mienavita videazapis hrupavoha zhvałtavańnia staŭ dokazam złačynstva i padstavaj dla ŭzbudžeńnia kryminalnaj spravy.
Zhvałtavańnie školnicy adbyłosia ŭ kvatery, dzie dla pryjemnaha baŭleńnia času sabrałasia kampanija maładych ludziej, u tym liku i dziaŭčaty.
Złačynstva było źniata na videakamieru telefona.Paśla ni paciarpiełaja dziaŭčyna, ni jaje baćki, jakim ad kryŭdzicielaŭ dački pastupali pahrozy, z zajavaj u pravaachoŭnyja orhany nie źviartalisia.
Pa padazreńni ŭ złačynstvie zatrymanyja dvoje žycharoŭ Śvietłahorska, adzin ź ich niepaŭnaletni.
Abodvum pradjaŭlena abvinavačańnie ŭ zhvałtavańni, ździejśnienaje hrupaj asobaŭ. Ciapier śledčyja pravodziać apytańni udzielnikaŭ i śviedak dadzienaha złačynstva.
