U Bakinskaj kryštalovaj zale adbyłasia repietycyja druhoj dziasiatki paŭfinalistaŭ.

Za joj projdzie jašče adna, ale ŭžo dla prafiesijnaj sudziejskaj kalehii, jakaja siońnia nočču nazavie svaich favarytaŭ. Hledačy zmohuć hałasavać u noč z 24 na 25 maja.

Numar biełaruskaha hurtu Litesound, jaki vystupaje piatym, hladzicca na scenie davoli efiektna. Praŭda,

padčas hienieralnaj repietycyi nie abyšłosia bieź niespadziavanak: raptam pierastała hrać muzyka, tak što chłopcam pryjšłosia pierapynicca
i pačać vykonvać pieśniu znoŭku. Heta, adnak, nikoha nie źbiantežyła — hałoŭnaje, kab u paŭfinale usio prajšło jak śled.

Niesumnienna, padarunkam dla prychilnikaŭ «Jeŭrabačańnia» stanie viartańnie na konkurs u hetym hodzie viadomaha sierbskaha muzyki Želka Joksimaviča. U 2004 hodzie Želka ŭžo pradstaŭlaŭ Sierbiju i Čarnahoryju na «Jeŭrabačańni» i damohsia vydatnaha vyniku: zaniaŭ pieršaje miesca ŭ paŭfinale i druhoje — u finale šou. U 1999 hodzie Želka pieramoh na mižnarodnym konkursie vykanaŭcaŭ estradnaj pieśni «Słavianski bazar u Viciebsku».

Joksimavič ŭmieje ihrać na 11 muzyčnych instrumientach, u liku jakich — fartepijana, udarnyja, hitara, akardeon.
Na «Jeŭrabačańni» ŭ Baku jon vykanaje pieśniu «Kachańnie nie zabava».
Biezumoŭnaje traplańnie ŭ finał «Jeŭrabačańnia-2012» muzyčnyja krytyki i žurnalisty pradkazvajuć pradstaŭnicy Ukrainy — śpiavačcy i kampazitaru Hajtanie,
jakaja maje vydatnyja vakalnyja dadzienyja.
Jaje baćka rodam z Konha, maci — ukrainka.
Na «Jeŭrabačańni-2012» Hajtana vykanaje haračuju kampazicyju «Budź maim hościem», jakaja ŭžo stała chitom u mnohich krainach SND. Na scenu artystka vyjdzie va ŭkrainskim vianku.

Pretendent na vychad u finał «Jeŭrabačańnia-2012» — šviedskaja vykanaŭca z marakanskim karaniami Łaryn. Jaje konkursnaja pieśnia «Ejfaryja» stała papularnaja ŭ Jeŭropie zadoŭha da pačatku konkursu, a bukmiekiery navat adzin čas byli peŭnyja ŭ pieramozie Łaryn na konkursie ŭ Baku. Praŭda, da taho času, pakul jaje nie paciaśnili rasijskija «Buranaŭskija babuli», što vyjavilisia davoli kankurentazdolnymi na muzyčnym rynku.

U «Buranaŭskich babul», jakija užo stali finalistkami «Jeŭrabačańnia-2012», darečy, adna z samych šmatlikich hrup padtrymki na konkursie ŭ asobie akredytavanych supracoŭnikaŭ srodkaŭ masavaj infarmacyi.
Ci pazmahajecca ŭdmurcki kalektyŭ u finale sa šviedskaj favarytkaj Łaryn, stanie viadoma paśla druhoha paŭfinału 24 maja.

Udzielnik «Jeŭrabačańnia-2012» litoviec Doni Monteł ŭžo znajomy biełaruskaj publicy. U svoj čas jon byŭ udzielnikam «Słavianskaha bazaru ŭ Viciebsku» i «Novaj chvali» ŭ Jurmale. Monteł braŭ udzieł u nacyjanalnym adbory na «Jeŭrabačańnie» u 2009 i 2011 hadach, ale pieramahčy tady nie zmoh. Ciapier

Doni pazmahajecca za pucioŭku ŭ finał «Jeŭrabačańnia» ź liryčnaj pieśniaj «Kachańnie ślapoje». Pryčym na scenu vykanaŭca vyjdzie z zaviazanymi vačyma.

U druhim paŭfinale taksama vystupiać makiedonkami Kaliopi («Bieły i čorny»); niderłandka Džaan Franka («Ty i ja»); narviežac iranskaha pachodžańnia Tudžy («Zastańsia»); turak z habrejskimi karaniami Džan Banamo («Pakachaj mianie znoŭ»). Za Maltu ŭ hetym hodzie praśpiavaje Kurt Kaleja («Taja samaja noč»), za Partuhaliju — Filipa Soza («Majo žyćcio»). Bałharyja vyrašyła adpravić u Azierbajdžan Safi Marynava («Kachańnie bieź miežaŭ»), Słavienija — Jevu Bota («Ja vieru»); Charvatyja — Ninu Badryč («Nieba»). Hruzija spadziajecca, što ŭ konkursie pieramoža Anry Džachadze («Ja džokier»); Estonija ŭskładaje nadziei na Ota Leplenda («Słuchaj»); Słavakija — na Maksa Džejsana Maj («Nie zapluščvaj vočy»); Bośnija i Hiercahavina — na Maju Sar («Ja paznaju tvaje kroki»).

Клас
0
Панылы сорам
0
Ха-ха
0
Ого
0
Сумна
0
Абуральна
0