Ministerstva pa padatkach i zborach apublikavała siońnia infarmacyju ab limitavych roźničnych cenach na cyharety ŭ Biełarusi z 1 červienia 2012 hoda. Ceny na niekatoryja marki znoŭ vyrastuć.

Kožny miesiac vytvorcy i imparciory tytuniovaj pradukcyi ŭ našu krainu mohuć pierahladać košt cyharet u roźničnaj sietki.

Tak, cyharety Hrodzienskaj tytuniovaj fabryki «Nioman» «Kronan», «Kronan 7» padaražejuć z 2900 da 2950 rubloŭ. Pačak «Mahnata», «Mahnata 7», «Mahnata luks», «Minska», «Minska 7» i «Minska miantoł» z 1 červienia budzie kaštavać 3 000 zamiest 2 900 rubloŭ. Cyharety marki «Minsk Superslims» i «Minsk 5 Superslims» vyrastuć u canie z 3 350 da 3 450 rubloŭ.

Taksama daražejuć cyharety «Minsk załaty», «Premjer», «Premjer 7», «Premjer luks» (da 3000 rubloŭ), «Fest», «Fest» (da 2800 rubloŭ), NZ 8, NZ 10, NZ Black, NZ Gold, Queen Charm, Queen Elegance, Queen Menthol, Queen Elite Superslims, Queen Superslims, VIP 8, VIP 10 (da 3400 rubloŭ), Kent HD Spectra (da 9000 rubloŭ).

«Tytuń-inviest» z 1 červienia nie budzie padvyšać košty na svaje cyharety. A dziaržaŭnaje pradpryjemstva» «Biełaruśhandal» pavialičyć maksimalnyja roźničnyja ceny na Sobranie Black Russian i Sobranie Cocktail (z 20 000 da 30 000 rubloŭ).

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?