21:05 Aleha Voŭčaka asudzili na 9 sutak aryštu.
20:30 Sudovy praces zavieršany. U sudzie dapytanyja śviedki – milicyjanty i Źmicier Kuchlej. Sudździa pajšła vynosić rašeńnie, jakoje pavinna być ahučanaje praz paŭhadziny.
Voŭčaka pačali sudzić užo pa skančeńni pracoŭnaha dnia. Prykładna ŭ 18:30. Sudziać za niecenzurnuju łajanku.
***
Pra zatrymańnie«NN» paviedamiŭ Źmicier Kuchlej. Jany razam z Aleham Voŭčakam hulali kala parka, razmaŭlali. Da ich padyšli troje ŭ cyvilnym. Adzin ź ich pakazaŭ dakumientu Alehu. Skazaŭ, što treba pajechać u Centralny RUUS.Kuchleja nichto nie zatrymlivaŭ. U Voŭčaka z saboj niama mabilnaha telefona.
Aleh Voŭčak — były afhaniec, paśla pracavaŭ u prakuratury.
Paśla sychodu ź dziaržaŭnych orhanaŭ zajmaŭsia hučnymi spravami. Pryčym nie tolki palitviaźniaŭ, ale źviazanych z aryštavanymi siłavikami.
Jon aktyŭna dapamahaŭ Alaksandru Kazulinu, a paśla Mikołu Aŭtuchoviču, ź jakim jaho jadnaŭ afhanski vopyt.Dziejnaść Voŭčaka nie raz vyklikała złosnuju reakcyju łukašenkaŭskich ŚMI. U jahonaj arhanizacyi «Pravavaja dapamoha nasielnictvu» rehistracyju zabrali jašče ŭ 2003 hodzie. Ciapiersprava ab likvidacyi «Pravavoj dapamohi» znachodzicca na razhladzie ŭ Kamitecie AAN pa pravach čałavieka.
U studzieni Voŭčaka hetak užo zatrymlivali. Paśla čaho asudzili na 4 sutak administracyjnaha aryštu.
Pierad hetym źjaviłasia infarmacyja, što padatkavaja inśpiekcyja Centralnaha rajona zacikaviłasia AAT «Surubi», što była zarehistravanaja na maci Aleha Voŭčaka Jadźvihu Zasulevič.
