Takoje mierkavańnie vykazała pres-aficer Partyzanskaha RUUS Miensku Hanna Čyž-Litaš.

Dva žychary Dahiestana pryjechali ŭ Minsk, kab kupić mašynu. U adzin ź dzion, špacyrujučy pa parku, jany vyrašyli paznajomicca ź dziaŭčynaju, jakaja siadzieła na łaŭcy. 15-hadovaja miančučka nie admoviła i nieŭzabavie razam z dahiestancami apynułasia ŭ ichnaj u kvatery. Jany zamovili try butelki kańjaku, i adzin z mužčynaŭ prapanavaŭ dziaŭčynie ŭstupić ź im u pałavuju suviaź. Taja pahadziłasia, a na nastupnuju ranicu prapanavała mužčynam źjeździć za siabroŭkaj. Pierad vychadam jana ŭbačyła na kanapie pakiet z hrašyma. U im było kala 10 tys. dołaraŭ.

nahadajem, što vykraŭšy hrošy, dziaŭčyna pakinuła kvateru i ŭ adnym z handlovych centraŭ pamianiała častku valuty na biełaruskija rubli. Na hetyja hrošy jana nabyła kaśmietyku (12 młn rub.), mabilny telefon (10 młn rub.), dva noŭtbuki za 8 młn rub. kožny, adzieńnie, abutak, sumki, MR3-płejer. Na nastupny dzień razam sa svaim siabram dziaŭčyna adpraviłasia na rynak, dzie vydatkavała na adzieńnie dla siabie i svajho spadarožnika amal 3 tys. dołaraŭ. Jana taksama apłaciła jahonaje navučańnie i dała z saboj tysiaču dalaraŭ «na drobnyja vydatki». Zatrymali vykradalnicu praz dva dni ŭ kramie, dzie jana praciahvała tracić čužyja hrošy. Z usioj vykradzienaj sumy ŭ dziaŭčyny zastałasia tysiača dołaraŭ. Za ździajśnieńnie kradziažu joj pahražaje da siami hadoŭ pazbaŭleńnia voli.

Pavodle Hanny Čyž-Litaš, dahiestancy nie mahli viedać, što dziaŭčynie ŭsiaho 15 hadoŭ, bo vyhladaje jana bolš jak na 20.

Akramia taho, zhodna z pakazańniami śviedki — piensijanierki, jakaja zdała pakoj zamiežnikam, — pavodziny hości nijak nie adpaviadali pavodzinam achviary złačynstva.
Jana hołaju nasiłasia pa kvatery, a kaŭkazcy biespaśpiachova sprabavali adpravić jaje dadomu.

Abodva žychary Dahiestana pakul zastajucca ŭ Minsku.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?