Aktyvist mižnarodnaj arhanizacyi «Małady front» (Čechija) Uładzimir Jaromienak pryhavorany da 10 sutak aryštu za niecenzurnuju łajanku pavodle artykuła 17.1 KoAP (drobnaje chulihanstva),
paviedamiła Kasia Halickaja.

17 maja Jaromienak byŭ abvinavačany pa hetym ža artykule sudom Frunzienskaha rajona Minska na siem sutak aryštu i 23 maja pavinien byŭ vyjści na volu, adnak hetaha nie adbyłosia.

Jaromienak, nahadajem, źjaŭlajecca fihurantam kryminalnaj spravy ab masavych biesparadkach 19 śniežnia 2010 hoda. Jaho pryhavaryli da troch hadoŭ źniavoleńnia ŭ kałonii ŭzmocnienaha režymu, ale 13 žniŭnia 2011 hoda vyzvalili na padstavie ŭkaza kiraŭnika dziaržavy ab pamiłavańni. Nad Jaromienkam ustanoŭleny previentyŭny nahlad. 27 krasavika jon taksama byŭ asudžany na siem sutak administracyjnaha aryštu za drobnaje chulihanstva.

Taksama siońnia nie vyjšaŭ z-pad aryštu druhi aktyvist «Maładoha frontu» Źmicier Kramianiecki.
15 maja sud Centralnaha rajona Minska pryhavaryŭ jaho da 10 sutak aryštu za drobnaje chulihanstva. Halickaja nie vyklučaje, što Kramianiecki taksama budzie paŭtorna asudžany i anałahičnaja dola čakaje najbližejšymi dniami i inšych aktyvistaŭ, zatrymanych razam ź im u Minsku 14 maja i jakija trapili za kraty pa abvinavačańni ŭ drobnym chulihanstvie.

Nahadajem, Kramianiecki byŭ zatrymany 10 dzion tamu razam ź inšymi maładafrontaŭcami — Ramanam Vasiljevym i Mikałajem Dziemidzienkam. Ludzi ŭ cyvilnym adčynili dźviery ich kvatery svaim klučom i zahadali ŭsim, chto znachodziŭsia ŭ pamiaškańni, lehčy tvaram na padłohu. Praź niekatory čas supracoŭniki śpiecsłužbaŭ vyvieli z kvatery Vasiljeva i Kramianieckaha. Maładyja ludzi byli zatrymanyja praz try dni paśla taho, jak vyjšli z Centra izalacyi pravaparušalnikaŭ na vulicy Akreścina, dzie adbyvali 15-sutačny aryšt.

Aktyvisty arhanizacyi źviazvajuć zatrymańnie svaich tavaryšaŭ z praviadzieńniem akcyi «Horad naš», padčas jakoj na vulicach haradoŭ vyviešvajucca bieł-čyrvona-biełyja ściahi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?