Ad 24 maja ŭ kinateatrach Minska možna ŭbačyć historyju «Ludziej u čornym», jakija pa-raniejšamu baroniać Ziamlu ad ahresiŭnych inšapłaniecianaŭ.

Da siaredziny 90-ch karciny pra pryšelcaŭ źjaŭlalisia pieravažna druhim hatunkam — B-movie čystaj vady: biez hučnych imionaŭ, sa śmiešnymi efiektami i mlavym siužetam. Błakbastar «Dzień niezaležnaści» źmianiŭ situacyju, a jašče praz hod

«Ludzi ŭ čornym» pastavili baraćbu ź inšapłaniecianami ŭ hladacki top.
Pry hetym surjoznaść i pafas karciny Rołanda Emierycha źmianilisia humaram Bary Zonienfielda, jaki da hetaha źniaŭ zmročnyja kamiedyi pra siamiejku Adams. Pieršyja «Ludzi ŭ čornym», mieli kasavy pośpiech i atrymali «Oskar» za śpiecefiekty, što dla žanru možna ličyć najlepšym dasiahnieńniem.

Praciah filma padobnaha pośpiechu nie vyklikaŭ, Zonienfield i-Ka pajšli ŭ adpačynak.

Praz hady režysior vyrašyŭ viarnucca da prajektu i sabraŭ dream team: Uił Śmit, Džoš Brolin, Tomi Li Džons, Cim Biortan i navat Łedzi Haha ŭ rolach, apieratar Bił Poŭp, jaki zdymaŭ «Matrycu», za kamieraj, muzyka-kazačnik Deni Ełfman za pultam. Hihancki biudžet i, jak raspaviadaŭ u intervju Bary Zonienfield, najlepšaje ŭ historyi 3D dapoŭniać karcinu.

Hałoŭnaja siužetnaja fiška stužki «Ludzi ŭ čornym 3» — padarožža ahienta Džeja ŭ 1969 hod. Jon pavinien vyratavać svajho naparnika — ahienta Kieja — nu, i tradycyjna płanietu, jakuju lubiać zachoplivać pryšelcy. U minułym hieroj Uiła Śmita budzie bačyć palot na Miesiac, a taksama sutykniecca z samim Endzi Uorchałam.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?