U suviazi z pavyšeńniem z 1 maja taryfnaj staŭki pieršaha razradu i ŭviadzieńniem novych karekcirujučych kaeficyjentaŭ da taryfnych stavak rabotnikaŭ biudžetnaj śfiery zarabotnaja płata vyraście ŭ siarednim na 5%,
paviedamili BiełaPAN u hałoŭnym upraŭleńni pracy i zarabotnaj płaty Ministerstva pracy i sacyjalnaj abarony.

U adpaviednaści z pastanovaj Saŭmina ad 4 maja 2012 hoda № 410 «Ab ustanaŭleńni pamieru taryfnaj staŭki pieršaha razradu dla apłaty pracy rabotnikaŭ biudžetnych i inšych arhanizacyj, jakija atrymlivajuć subsidyi, rabotniki jakich pryraŭnavany pa apłacie pracy da rabotnikaŭ biudžetnych arhanizacyj» taryfnaja staŭka pieršaha razradu 1 maja pavyšajecca z 200 da 210 tys. rubloŭ. U metach vykanańnia hetaj pastanovy była raspracavana pastanova Minpracy № 57, jakaja praduhledžvaje ŭviadzieńnie novych karekcirujučych kaeficyjentaŭ da taryfnych stavak biudžetnikaŭ.

Jak paviedamili ŭ Minpracy, novyja karekcirujučyja kaeficyjenty da taryfnych stavak u zaležnaści ad razradu buduć składać ad 3,6 da 0,93.

Za košt źmianieńnia karekcirujučych kaeficyjentaŭ uzmacnicca dyfierencyjacyja ŭ apłacie pracy biudžetnikaŭ. Pry hetym uzrovień apłaty pracy nizkaapłačvanych rabotnikaŭ zachavajecca vyšejšym čym minimalnaja zarpłata, jakaja składaje 1 młn. rubloŭ.

Taryfnyja staŭki raźličvajucca šlacham paśladoŭnaha pamnažeńnia taryfnaj staŭki pieršaha razrada na adpaviednyja tayifnyja kaeficyjenty Adzinaj taryfnaj sietki rabotnikaŭ i ŭstanoŭlenyja karekcirujučyja kaeficyjenty.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?