Fotafakt: Siarhiej Łaźnica na čyrvonaj darožcy ŭ Kanach 8

Siarhiej Łaźnica moža śviatkavać pieramohu. Udzieł u konkursie naroŭni z Devidam Krenenberham i Lea Karaksam užo jość pośpiech.

Uračysty palicejski kartež supravadžaŭ Siarhieja Łaźnicu z kamandaj stvaralnikaŭ filmu.

Bykaŭskija Suščenia, Buraŭ i Vojcik. A ŭ žyćci - Uładzimir Śvirski, Uład Abašyn i Siarhiej Kalasoŭ.

Kanskaja publika ŭvažliva słuchała Kasiu Kamockuju, pad jakuju vychodzili aŭtary filmu.

Režyser filmu "U tumanie" Siarhieja Łaźnica i aktory biełarus Uładzimir Śvirski, rasiejcy Uład Abašyn i Siarhieja Kalasoŭ na čyrvonym dyvanie.

25 traŭnia adbyłasia suśvietnaja kinapremjera dramy «U tumanie» pavodle Vasila Bykava. Film pretenduje na hałoŭnuju ŭznaharodu fiestyvalu ŭ Kanach — «Załatuju palmavuju halinu». Režysior filma — Siarhiej Łaźnica, jaki naradziŭsia ŭ Baranavičach. Karespandent radyjo "Svaboda" vioŭ anłajn-repartaž z padrychtoŭki da padziei.

Kala tysiačy čałaviek, haściej Kanskaha fiestyvalu pryjšli pavitać Siarhieja Łaźnicu padčas jaho ŭračystaha prachodu pa čyrvonaj darožcy.

Sotni fota- i telekarespandentaŭ za niekalki hadzinaŭ zaniali zručnyja miescy.

Uračysty kartež stvaralnikaŭ filma ŭ supravadžeńni kanskaj palicyi prajechaŭ simvaličnyja paŭkiłamietra ad hatela Majestic da Pałaca fiestyvalaŭ. Pakaz filma pačaŭsia, a 16 hadzinie pa francuzskim časie ŭ zale bratoŭ Lumjeraŭ, raźličanaj na 2200 čałaviek.

Ź pieršaha aŭtamabila vyjšaŭ Siarhiej Łaźnica. Z druhoha — aktory Uładzimir Śvirski, Uład Abašyn i Siarhiej Kalasoŭ, jakija syhrali ŭ filmie Suščeniu, Burava i Vojcika.

Z nastupnych aŭtamabilaŭ vychodzili pradjusary, udzielniki zdymačnaj hrupy. Kožny maje mahčymaść prajści pa znakamitym čyrvonym dyvanie. Da ich dałučyłasia rasiejskaja kinazorka Renata Litvinava.

Siarhiej Łaźnica strymaŭ abiacańnie vyjści pad pieśniu Kasi Kamockaj. Tak i było. Spačatku prahučała «Palaŭničy ty moj palaŭničy», a potym dvojčy «Boža, zabiary majo žyćcio». Nikoli raniej Kany nie čuli biełaruskich piesień,

i nieviadoma kali pačujuć nastupny raz. Viadoma, heta stvarała kantrast z papiarednimi zorkami, jakija prachodzili pad pieśni Łedzi Hahi, Kajli Minoŭh i hurtoŭ, kštałtu «Blur», «Ju2» i «Bek stryt bojz».

Sam Łaźnica padčas ranišniaj presavaj kanfierencyi ŭ adkaz na pytańnie radyjo "Svaboda" adznačyŭ, što

film chutčej niamiecka-aŭstryjski, ale hetaksama možna skazać, što jon i biełaruski, i ŭkrainski, i rasiejski, i słavianski.

Radyjo «Svaboda»

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH