25 maja ŭ Smalavicki rajvykankam (Minskaja vobłaść) była pieradadziena zajavu z patrabavańniem zarehistravać inicyjatyŭnuju hrupu pa praviadzieńni miascovaha refierendumu.

«Ci zhodnyja vy z raźmiaščeńniem na terytoryi Smalavickaha rajona kitajska-biełaruskaha industryjalnaha parku?» — tak sfarmulavanaje pytańnie, jakoje aktyvisty chočuć vynieści na narodnaje abmierkavańnie. Pad zajavaj padpisalisia 60 čałaviek. Ciapier, zhodna z zakanadaŭstvam, miascovaja ŭłada pavinna na praciahu miesiaca pryniać rašeńnie adnosna praviadzieńnia refierendumu.

«Heta svajho rodu probny krok pa arhanizacyi refierendumu ŭ suviazi ź industryjalnaj zabudovaj, — skazaŭ BiełaPAN aktyvist hramadzianskaj kampanii» Havary praŭdu! «Michaił Paškievič. — U Biełarusi ładzicca šmat takich prajektaŭ, i važny vopyt. Kali zaraz zarehistrujuć hetuju hrupu, to 3 — 4 tysiačy nieabchodnych podpisaŭ na terytoryi rajona za tydnia paŭtara całkam źbiarem. <…>

Kali pahladzieć i pryniać da ŭvahi, što ŭkaz pa technaparku jašče nie padpisany i što, u pryncypie, šmat pytańniaŭ pa kitajskim prajekcie, liču, što my nie darma ŭviazalisia ŭ hetuju kašu. Heta nie baraćba suprać kitajskich inviestycyj, heta baraćba suprać biurakratyčnaha aparatu. Takija rašeńni pavinny prymacca tolki paśla ŭzhadnieńnia ź miascovymi žycharami, tolki z ulikam zakanadaŭstva».

Pa słovach Paškieviča, ułady nie da kanca vykonvajuć svaje abiacańni. «Spadar Tozik niejak paabiacaŭ asabista sustrecca z kožnym žycharom ź viosak i rastłumačyć vyhadu hetaha prajekta, — rastłumačyŭ jon, — bolš za toje, prapanoŭvaŭ adpravić delehacyju miascovych žycharoŭ u Kitaj. Ciapier ža na ŭsie zvaroty da jaho prychodziać adpiski z aparata Saŭmina: maŭlaŭ, čytajcie ŚMI».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?