Ad 31 maja ŭ kinateatrach Minska možna ŭbačyć animacyjny film pa matyvach tvoraŭ Žula Vierna "Ruchaj čas!".
Francuzski multfilm nie moža pachvalicca vializnym biudžetam abo tytułavanymi imionami stvaralnikaŭ. Adnak takija "ciomnyja koniki" časta i stanoviacca adkryćciami.
Pieradumovy da hetaha jość, pryčym vielmi hruntoŭnyja. A mienavita - tvory piśmieńnika Žula Vierna, jakija lehli ŭ asnovu multfilma. Dziesiatki kinatvoraŭ źniatyja pa matyvach francuzskaha kłasika pryhodnickaj litaratury, ciapier čarha dajšła da multfilmaŭ. Sumniavacca ŭ zachaplalnaści ramanaŭ i apaviadańniaŭ Žula Vierna nie davodzicca, zastajecca spadziavacca, što jany tałkova pieraniesienyja na ekran.
Siužet multfilma -- u pryhodnickim duchu.
Paśla taho jak u tvory Vierna byli ŭniesienyja źmieny, žudasnyja istoty z fantastyčnaha śvietu piśmieńnika ažyli i prynieśli raznastajnyja biedy Francyi. Supraćstajać pošaści čaćviora dziaciej.Jany adpraŭlajucca ŭ minułaje, kab nadać litaraturnym tvoram pieršapačatkovy vyhlad i takim čynam pazbavić krainu ad monstraŭ.
"Ruchaj čas!" zrobleny ŭ papularnym styli multyplikacyjnaha błakbastara. Lepiej ničoha i być nie moža, bo ŭ asnovie -- kłasika fantastyki. Animacyjnuju pracu možna ŭbačyć u kinateatrach "Kijeŭ 3D", "Salut 3D" i "Centralny 3D".
