«Madahaskar-3»: rasiejski tyhr Vitalij zalivaje nudu barščom + trejler

Siońnia ŭ prakat vychodzić trochvymierny «Madahaskar-3», u jakim źviary adpraŭlajucca ŭ kazino, a traplajuć u cyrk. Jak, zrešty, i hledačy karciny

U Afrycy dobra, ale doma lepiej: čaćviora źviaroŭ z Ńju-Jorkskaha zaaparka tolki i marać ab tym, jak by viarnucca ŭ valjery svaje. Ale viartańnie budzie doŭhim: dla pačatku lvu Aleksu, žyrafu Miełmanu, ziebry Marci i biehiemocisie Hłoryi treba apynucca ŭ Monte-Karła, dzie razam ź pinhvinami jany zładziać u kazino žudasny piarepałach. U pahoniu za imi adpraŭlajecca sama kapitan Šantel Dziubua, inśpiektar słužby pa kantroli za žyviołami. Fatalnaja žančyna maje ćviordy namier złavić siabroŭ, ale kirujuć joju zusim nie słužbovyja instrukcyi:

škadlivaj damie, jakaja zvyčkami nahadvaje pavuka, chočacca zajmieć dla svajoj palaŭničaj kalekcyi ilvinuju hałavu…

Siabry ratujucca ŭciokami i vypadkova apynajucca ŭ ciahniku cyrkavych žyvioł, jakija marać jak maha chutčej damahčysia pryznańnia i adpravicca ŭ suśvietnaje turne. Ale spačatku im usim razam daviadziecca skaryć Jeŭropu, što budzie niaprosta, bo spravy ŭ cyrkavoj trupy iduć zusim drenna…

Ad treciaj častki samaha kasavaha multfilma DreamWorks ciažka było čakać žanravaha praryvu. Jaho i nie adbyłosia:

novy «Madahaskar», niahledziačy na ​​pakutliva doŭhi pieryjad zdymak i adrazu troch režysioraŭ i scenarystaŭ, nie adroźnivajecca ni pryncypova inšaj pramaloŭkaj, ni vynachodlivaściu, ni tym bolš pačućciom miery.

Pa sutnaści, treciaja častka pryhod źviaroŭ-badziniaŭ zastałasia tym ža, čym byli dźvie papiarednija: malaŭničaj i jarkaj pryhodnickaj mulciaškaj ź nie zanadta simpatyčnymi hierojami i daškolnym uzroŭniem žartaŭ. Zrešty, u novym «Madahaskary» hierojaŭ dadałosia: u cyrku niaŭdačnikaŭ, dzie apynajecca naša čaćviorka,

usim zapraŭlaje depresiŭny ruski tyhr Vitalij (jaki kaliści nie zmoh praleźci skroź vohniennaje koła i ciapier zalivaje nudu barščom)

z maŭklivaj zhody miłavidnaj himnastki Džyi, marskoha kocika Stefana i hihanckaj miadźviedzicy Soni, što raźjazdžaje, viadoma ž, na maleniečkim trochkołavym rovary. Plus

hałoŭnaje zło ciapier piersanifikavanaje — u vobrazie hrateskavaj francužanki Dziubua, jakaja nie tolki nosicca na matacykle i smalić naprava i naleva, ale jašče i śpiavaje, paśpiachova pierajmajučy Edzit Pijaf.

Charaktary raźvivajucca:

Vitalij pavinien za čas filma znoŭ zdabyć vieru ŭ siabie, karol Džulijan — skaryć serca Soni, a leŭ Aleks — navučycca cyrkavomu majsterstvu,

ale asobnyja piersanažy i ich historyi tut akazvajucca druhasnymi. U novym «Madahskary» forma na redkaść adpaviadaje źmiestu;

dziakujučy ŭdała skarystanamu farmatu 3D-multfilm pra cyrkavyja pryhody bolš za ŭsio nahadvaje jarki i, biassprečna, zachaplalny atrakcyjon,

u jakim kalarovaja miešanina trochmiernych śpiecefiektaŭ i bieśpierapynnaja ekvilibrystyka (tut usio lotaje, nosicca, skača abo kulajecca) aślaplajuć nastolki, što lubyja sumniŭnyja numary ŭ duchu błaznaŭ Bima i Boma lohka sychodziać trupie z ruk.

U rešcie rešt znajšoŭšy «svaju temu», stvaralniki «Madahaskara» ŭžo nia mohuć spynicca, nakładajučy adzin na adzin usio novyja akrabatyčnyja numary na fonie turystyčnych jeŭrapiejskich vidaŭ. Vyhladaje, biezumoŭna, efiektna, ale ŭ vyniku

enierhičnaja płyń trukaŭ vyciaśniaje ź filma nie tolki luby sens, ale i luby źmiest:

nie tak užo i važna, jak razhortvajecca siužet, kudy cikaviej toje, jaki numar tabie pakažuć nastupnym. Zrešty,

dzieciam novy «Madahaskar», chutčej za ŭsio, spadabajecca,

a niezadavolenym darosłym nie varta zabyvać ab tym, što i samo kino kaliści naradziłasia ŭ cyrku — usiaho tolki jak śmiešny atrakcyjon dla zabavy niepatrabavalnaj publiki.

Hazieta.ru

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH