Vyniesieny pryhavor dvum žycharam Bresta, jakija zhvałtavali i zabili z asablivaj žorstkaściu dziaŭčynu

Sudovaja kalehija pa kryminalnych spravach Bresckaha abłasnoha suda 8 červienia vyniesła pryhavor dvum 24-hadovym žycharam Bresta, jakija zhvałtavali i zabili z asablivaj žorstkaściu dziaŭčynu.

Jak paviedamiŭ BiełaPAN namieśnik načalnika adździeła prakuratury Bresckaj vobłaści Hienadź Bury, jaki padtrymlivaŭ abvinavačańnie pa spravie, cieła dziaŭčyny z prykmietami hvałtoŭnaj śmierci było znojdziena 2 kastryčnika 2011 hoda ŭ vadajomie viaślarnaha kanała Bresckaha abłasnoha centra alimpijskaha reziervu pa viesłavańni.

Pa vynikach papiaredniaha rasśledavańnia abvinavačańnie va ŭčynieńni złačynstva było pradjaŭlena dvum raniej nieadnarazova sudzimym brestaŭčanam, u tym liku za źbivańnie maładych žančyn z chulihanskich namieraŭ.

«Adzin z abvinavačanych nidzie nie pracavaŭ, za dzień da zabojstva vyzvaliŭsia ź miescaŭ pazbaŭleńnia voli. Druhi — dva tydni jak uładkavaŭsia rabočym u adnu z budaŭničych arhanizacyj abłasnoha centra. U škole jany vučylisia ŭ adnym kłasie», — dapoŭniŭ Bury.

Pa padazreńni va ŭčynieńni hetaha złačynstva chłopcaŭ zatrymali 2 kastryčnika 2011 hoda. Ustanoŭlena, što jany zabili dziaŭčynu ŭ noč z 1 na 2 kastryčnika.

Sudovaja kalehija pa kryminalnych spravach Bresckaha abłasnoha suda pryznała ich vinavatymi va ŭčynieńni zabojstva hrupaj asob z asablivaj žorstkaściu, spałučanaha sa zhvałtavańniem i inšymi hvałtoŭnymi dziejańniami sieksualnaha charaktaru (p.p. 6,7 i 15 č. 2 art. 139; č.2 st. 166 i č.2 art. 167 Kryminalnaha kodeksa).

Adzin z abvinavačanych pryhavorany da 25 hadoŭ pazbaŭleńnia voli z adbyvańniem pakarańnia ŭ papraŭčaj kałonii va ŭmovach uzmocnienaha režymu, druhi — da 23 hadoŭ i šaści miesiacaŭ pazbaŭleńnia voli ŭ kałonii strohaha režymu.

Prysud zakonnuju moc pakul nie nabyŭ i moža być abskardžany.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?