Pres-tur dla litoŭskich žurnalistaŭ projdzie ŭ Biełarusi 11–13 červienia, paviedamiŭ knamieśnik ministra infarmacyi Biełarusi Uładzimir Matusievič.

Siońnia litoŭskija žurnalisty, siarod jakich supracoŭniki Pieršaha bałtyjskaha kanała, štotydniovika «Litovskij kuŕjer», Baltios TV, infarmacyjnych ahienctvaŭ BNS i ELTA, prybyvajuć u Biełaruś.

U chodzie pres-tura jaho ŭdzielniki naviedajuć pramysłovyja pradpryjemstvy i ahrasiadziby, Litoŭski centr adukacyi, kultury i infarmacyi.
Adnym z centralnych mierapryjemstvaŭ 12 červienia budzie ekśpiertny kruhły stoł «Biełaruś i Litva: sučasny stan i pierśpiektyvy supracoŭnictva», jaki projdzie ŭ Hramadskim pres-centry. U čas kruhłaha stała ŭdzielniki padviaduć vyniki pieršaha biełaruska-litoŭskaha forumu rehijanalnaha supracoŭnictva ŭ Maładziečnie, abmiarkujuć pierśpiektyvy raźvićcia adnosin dźviuch krain u roznych śfierach. Asablivuju ŭvahu žurnalisty ŭdzielać sučasnamu biełaruska-litoŭskamu supracoŭnictvu.

Na 12–13 červienia zapłanavana pajezdka ŭ Astraviec, dzie budzie arhanizavana ekskursija na budaŭničuju placoŭku AES.

Jak adznačyŭ Uładzimir Matusievič, rabotniki srodkaŭ masavaj infarmacyi Litvy zmohuć atrymać adkazy na ŭsie pytańni, jakija datyčacca budaŭnictva ŭ Biełarusi atamnaj elektrastancyi, ad kampietentnych surazmoŭcaŭ — pradstaŭnikoŭ Ministerstva enierhietyki, dyrekcyi pa budaŭnictvu AES, Nacyjanalnaj akademii navuk Biełarui, Ministerstva pryrodnych resursaŭ i achovy navakolnaha asiarodździa.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?