Minski haradski sud admoviŭ pravaabaroncu Valancinu Stefanoviču ŭ zadavalnieńni pazovu ab raspačynańni dyscyplinarnaj spravy ŭ dačynieńni da sudździ suda Centralnaha rajona Minska Aleny Siamak.

Nahadajem, 11 sakavika Valancin Stefanovič nie zmoh vyjechać ź Biełarusi. Na biełaruska-litoŭskaj miažy supracoŭniki pahraničnaj słužby paviedamili, što jamu admoŭlena ŭ vyjeździe. 21 sakavika Stefanovič źviarnuŭsia ŭ sud Centralnaha rajona Minska sa skarhaj na rašeńnie ab uklučeńni jaho ŭ bazu danych nievyjaznych ź Biełarusi. Skarha była atrymanaja sudom Centralnaha rajona 26 sakavika.

«Pa takich skarhach sudździ abaviazanyja vynieści rašeńnie na praciahu adnaho miesiaca z dnia atrymańnia skarhi. Takija patrabavańni hramadzianska-pracesualnaha zakanadaŭstva. Paśla atrymańnia skarhi sudździa abaviazany abo admović zajaŭniku ŭ raspačynańni spravy pry najaŭnaści dla taho zakonnych padstaŭ, abo pakinuć skarhu biez ruchańnia dla vypraŭleńnia niedachopaŭ, abo raspačać spravu», — patłumačyŭ Stefanovič.

Adnak sudździa Siamak, jakoj była pieradadziena skarha ŭ vytvorčaść, dahetul nie pryznačyła datu jaje razhladu.

4 maja Stefanovič adpraviŭ na imia staršyni Minharsuda zajavu ab parušeńni zakanadaŭstva z boku Aleny Siamak. U adkazie staršynia Minharsuda Uładzimir Puciła paviedamlaje ab «zahružanaści sudździ», a tamu, zajaŭlaje jon, «padstaŭ dla pryciahnieńnia Siamak pa zhadanych u skarzie vysnovach zaraz nie ŭstanoŭlena».

«Ja nie razumieju terminu „zahružanaść sudździ“. Jość zakonam ustanoŭleny termin dla razhladu spravy. Dyk što, sud razhladaje spravy ŭ paradku žyvoj čarhi abo ŭ paradku niejkaj im samim viadomaj važnaści, a sprava Stefanoviča moža pačakać?
Ja razhladaju takija dziejańni prosta jak admovu ŭ dostupie da pravasudździa», — zajaviŭ Stefanovič.

Pavodle jaho słoŭ, z anałahičnaj prablemaj sutyknulisia mnohija nievyjaznyja palityčnyja i hramadskija dziejačy. «Usie, chto nakiroŭvaŭ skarhi ŭ sud, nie atrymali nijakaha adkazu, h.zn. sudy prosta maŭčać. Tak što heta sistematyčnaja praktyka pa admovie ŭ pravasudździ», — miarkuje Stefanovič.

Zaraz pravaabaronca čakaje adkazu z MUS, kudy adpraviŭ zvarot z prośbaj vyklučyć jaho proźvišča z banka danych hramadzian, jakim časova abmiežavana prava vyjezdu. «Paśla taho, jak ja prajdu ŭsie instancyi na nacyjanalnym uzroŭni, ja płanuju źviarnucca ŭ Kamitet AAN pa pravach čałavieka adnosna admovy ŭ rehistracyi pravaabarončaha centra „Viasna“, niezakonnaha abmiežavańnia prava pakidać svaju krainu, a taksama ŭ suviazi z tym, što mnie było admoŭlena ŭ pravasudździ ŭ krainie», — zajaviŭ Stefanovič.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?