Dla ŭdziełu ŭ centralizavanym testavańni (CT) 2012 hoda zarehistravalisia 141 tys. 555 abituryjentaŭ. Pra heta paviedamiŭ ministr adukacyi Siarhiej Maskievič 11 červienia na pres-kanfierencyi ŭ Minsku.

Pavodle jaho słoŭ, heta na 8 tys. 620 čałaviek mienš u paraŭnańni z 2011 hodam. Nie ŭsie zarehistravanyja na CT buduć udzielničać va ŭstupnaj kampanii. Abmiežavańniaŭ pa zdačy ispytaŭ u CT u Biełarusi niama, tamu časta ŭ ich udzielničajuć staršakłaśniki, jakija jašče nie majuć atestata ab siaredniaj adukacyi, a taksama inšyja hramadzianie, jakim cikava acanić svaje viedy pa pradmietach testavańnia, adznačyŭ ministr.

Najbolšaja kolkaść abituryjentaŭ zarehistravałasia na ispyty CT pa rasijskaj movie (95 tys. 896 čałaviek) i matematycy (95 tys. 161).
Na zdaču ispytaŭ pa biełaruskaj movie zarehistravałasia 45 tys. 199 čałaviek; pa fizicy — 44 tys. 119; bijałohii — 28 tys. 636; anhlijskaj movie — 27 tys. 981; historyi Biełarusi — 21 tys. 653; chimii — 16 tys. 687 čałaviek.

Ź liku zarehistravanych na CT prykładna 30% płanujuć prajści testavańnie ŭ Minsku, astatnija — u rehijonach pa miescy žycharstva.

Ministr nahadaŭ, što ŭ adpaviednaści z zaćvierdžanym hrafikam CT projdzie z 13 pa 27 červienia. Pieršym ispytam tradycyjna stanie biełaruskaja mova.
Dataj reziervovaha dnia dla praviadzieńnia CT vyznačana 4 lipienia, u hety dzień ispyty buduć arhanizavanyja ŭ BDU.

Maskievič paviedamiŭ, što sioleta prafiesijna-psichałahičnuju hutarku, nieabchodnuju dla pastupleńnia na 10 śpiecyjalnaściaŭ z «asablivymi patrabavańniami», prajšli 10,4 tys. abituryjentaŭ. Heta na 3 tys. mienš, čym u 2011 hodzie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?