U Džakarcie 11 červienia adbyłasia aficyjnaja cyrymonija adkryćcia pasolstva Biełarusi ŭ Indaniezii, u jakoj uziaŭ udzieł ministr zamiežnych spraŭ Biełarusi Siarhiej Martynaŭ.

Nahadajem, 11—13 červienia kiraŭnik biełaruskaha źniešniepalityčnaha viedamstva znachodzicca z aficyjnym vizitam u Indaniezii.

Jak paviedamlaje pres-słužba MZS Biełarusi, Siarhiej Martynaŭ i jaho indaniezijski kaleha Marci Natalehava praviali siońnia pieramovy.

Ministry abmierkavali "pytańni raźvićcia supracoŭnictva pa ŭsim dvuchbakovym paradku dnia i mahčymaści naroščvańnia ŭzajemadziejańnia pamiž Biełaruśsiu i Indaniezijaj u šmatbakovym farmacie". Pa vynikach sustrečy padpisany miemarandum ab parazumieńni pamiž ministerstvami zamiežnych spraŭ Respubliki Biełaruś i Respubliki Indaniezija ab dvuchbakovych kansultacyjach.

Kiraŭniki źniešniepalityčnych viedamstvaŭ taksama abmianialisia notami ab ratyfikacyi padpisanaha ŭ 2011 hodzie pahadnieńnia pamiž uradami dźviuch krain ab biaźvizavych pajezdkach dla ŭładalnikaŭ dypłamatyčnych i słužbovych pašpartoŭ. Pahadnieńnie nabudzie moc 9 lipienia 2012 hoda.Andrej Sierada, BiełaPAN

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?