Maleńki chłopčyk śviatkuje 2-i hoł Ševy. Kadr dnia :)

Maleńki chłopčyk śviatkuje 2-i hoł Ševy. Kadr dnia :)

Andrej Šaŭčenka zabivaje druhi hoł u varoty Isaksana.

Andrej Šaŭčenka zabivaje druhi hoł u varoty Isaksana.

Na čempijanacie Jeŭropy pa futbole skončyŭsia pieršy tur.

Zaviaršała pieršy akt (śpiektakl budzie ŭ piaci aktach + finał) futbolnaha śviata hulnia ŭ Kijevie pamiž haspadarami turnira zbornaj Ukrainy i Šviecyjaj. Trybuny ŭ Kijevie byli afarbavanyja adnolkava: ukraincy sinie-žoŭtyja, šviedy — žoŭta-sinija.

Zdavałasia, heta matč małarejtynhavych kamandaŭ, nie raŭnia Anhlija — Francyja,

ale jon byŭ kudy cikaviejšy i padaryŭ zdarovyja i pazityŭnyja emocyi.
Šviedy pieršymi adkryli lik: na 52-j chvilinie vyznačyŭsia hienijalny Złatan Ibrahimavič. A potym taki ž hienijalny Andrej Šaŭčenka dakazaŭ, što niezdarma maje ŭ svajoj kalekcyi «Załaty miač» (2004).
Dva momanty — dva hały (55-ja i 61-ja chviliny). 2:1.

Andrej, darečy, jaki pahulaŭ za «Miłan» — «Čełsi» — «Miłan» i viarnuŭsia ŭ Kijeŭ, pierad čempijanatam zajaviŭ, što zaviaršaje mižnarodnuju karjeru. A taksama zaznačyŭ, što kantrakt z «Dynama» taksama zavieršyŭsia. Treba ŭmieć viartacca, i Andreju, zdajecca, udałosia.

Šaŭčenka byŭ zamienieny na 80-j chvilinie na biełarusa Arcioma Mileŭskaha, što pryniaŭ rašeńnie vystupać pad žoŭta-błakitnym ściaham.

Pa-roznamu staviacca da Mileŭskaha ŭ Biełarusi, zbolšaha niehatyŭna, ale toje, što biełarus z pachodžańnia vystupaje na hałoŭnym futbolnym śviacie hoda — vydatna.

Zaŭtra, u aŭtorak, druhi tur: Hrecyja — Čechija (19:00) i Polšča — Rasija (21:45).
Palaki ŭžo paśpieli achryścić apošni matč «Cudam na Viśle — 2012».

Pažyviom — pabačym.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?