12 červienia ŭ Hrodnie pačaŭsia praces pa spravie śviatara Śviata-Pradciečanskaj carkvy ijareja Mikałaja Hajduka, jakoha vinavaciać u admovie ad pracedury daktyłaskapii. Jak paviedamili «Našaj Nivy» pradstaŭniki Hrodzienskaj japarchii, sud pieranieśli na 22 červienia, bo na praces nie źjavilisia milicyjanty.

Padtrymać śviatara ŭ sud pryjšło bolš za paŭsotni čałaviek. Usich u pamiaškańnie nie puścili, choć vidavočcy kažuć, što tam zastavalisia volnyja miescy.

Mikałaj Hajduk — treci śviatar Hrodzienskaj japarchii, u adnosinach jakoha raspačaty adminitracyjny praces za admovu ad daktyłaskapii. Jon śćviardžaje, što nie admaŭlaŭsia ad daktyłaskapii, ale prasiŭ pačakać, kab paraicca. Milicyjanty čakać nie stali i skłali pratakoł bieź jaho.

Jak raskazaŭ «NN» hałoŭny redaktar haziety «Hrodzienskija jeparchijalnyja naviny» Alaksandr Šurski, adnaho ź fihurantaŭ spravy, ajca Alaksandra Chombaka z Hrodna, sud abaviazaŭ zdać adbitki. Vyniki druhoj spravy jamu pakul nieviadomyja.

Biełaruskaja pravasłaŭnaja carkva nieadnarazova źviartałasia da ŭładaŭ z prośbaj uvieści dla śviataroŭ i viernikaŭ alternatyŭnyja sistemy identyfikacyi i ŭliku.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?