Biuleteni dla ludziej sa słabym zrokam raspracujuć da parłamienckich vybaraŭ u Biełarusi. Pra heta paviedamiła staršynia kamiteta pa pracy, zaniataści i sacyjalnaj abaronie Minharvykankama Žanna Ramanovič 11 červienia na apieratyŭnaj naradzie ŭ meryi.

«2012 hod — hod vybaraŭ u Nacyjanalny schod Biełarusi. Pa inicyjatyvie hramadskaha abjadnańnia „Biełaja Ruś“ buduć raspracoŭvacca biuleteni dla ludziej sa słabym zrokam, kab jany zmahli naviedać vybarčyja ŭčastki», — skazała Žanna Ramanovič.

Ludziam z abmiežavanymi mahčymaściami nieabchodna zabiaśpiečyć roŭnyja vybarčyja pravy. Źviartajučysia da kiraŭnikoŭ administracyj rajonaŭ horada, kiraŭnik profilnaha kamiteta meryi zaklikała ŭdzialić uvahu pytańniam zabiaśpiečańnia ŭdziełu ŭ vybarach i invalidaŭ-kalasačnikaŭ. «Invalidy-kalasačniki taksama pavinnyja ŭ poŭnaj miery vykarystoŭvać svajo prava vybarščykaŭ i mieć dostup da ŭčastkaŭ dla hałasavańnia ŭ pieryjad vybarčaj kampanii», — upeŭnienaja Žanna Ramanovič.

Jana adznačyła, što ŭ Minsku pražyvaje 11,4 tys. invalidaŭ. 2,6 tys. čałaviek źjaŭlajucca invalidami-kalasačnikami, ź ich 813 čałaviek viaduć aktyŭny ład žyćcia. U stalicy realizujecca haradskaja prahrama pa stvareńni kamfortnaha asiarodździa žyćciadziejnaści dla invalidaŭ i inšych fizična asłablenych ludziej. Rašeńniem harvykankama zaćvierdžany płan techničnych dziejańniaŭ pa stvareńni biezbarjernaha asiarodździa ŭ horadzie, što ŭklučaje adpaviednyja raboty na 253 abjektach. Na hety čas biezbarjernaje asiarodździe stvoranaje na 174 abjektach, 79 abjektaŭ znachodziacca ŭ stadyi vykanańnia.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?