Na prośbu radyjo «Svaboda» katastrofu pad Navahrudkam prakamientavaŭ vajskovy ahladalnik haziety «Biełarusy i rynak» Alaksandr Alesin.

Jon adznačyŭ, što kaliści ŭ Biełarusi katastrofy vajskovych samalotaŭ byli nadzvyčajnaj redkaściu, jon pryhadaŭ tolki hibiel pieršaha Hieroja Biełarusi Ŭładzimiera Karvata ŭ 1996 hodzie.

Adnak apošnim časam hetyja katastrofy stali čaściejšymi. Ekspert nia bačyć pryčyny hetaha ŭ małoj kolkaści lotnych praktykavańniaŭ pilotaŭ, Biełaruś zakupiła va Ŭkrainie naležnuju kolkaść vučebnych samalotaŭ, jość avijatrenažory, tak što sprava nie ŭ kvalifikacyi lotčykaŭ, a ŭ stareńni lotnaha parku.

Samaloty ramantujuć, navat madernizujuć, ale kardynalnaha adnaŭleńnia avijaparku VPS nie adbyvajecca – padkreśliŭ Alaksandar Alesin.

Pryčyna vielmi prostaja – niedachop hrošaj. Bajavyja samaloty – adna z samych darahich vajskovych mašyn, i ŭ vajskovym biudžecie na zakupku ich hrošaj niama. Niahledziačy na ščylnyja stasunki z Rasiejaj, pryčym asabliva ŭ vajskovaj sfery, Rasieja ŭsio ž nie źbirajecca prosta pieradavać novyja bajavyja samaloty svajmu sajuźniku.

U vyniku padvyšajecca imaviernaść avaryj i niepaładak, i kolkaść adpaviednych vypadkaŭ. Alaksandar Alesin pryhadaŭ hibiel dvuch biełaruskich lotčykaŭ-pilotaŭ Su-27 u žniŭni 2009 hodu na avijašoŭ u polskim Radamie.

Ekspert prahnazuje, što z pryčyny stareńnia avijaparku častata padobnych katastrofaŭ, na žal, budzie pavialičvacca.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?