Ad 26 lipienia ŭ kinateatrach Minska buduć pakazvać adnu z samych doŭhačakanych i ŭžo skandalnych kinaprac hoda — «Ciomny rycar: adradžeńnie lehiendy». Heta praciah historyi čałavieka-kažana Betmena, źniaty režysioram Krystafieram Nołanam. Biudžet filma skłaŭ 250 młn dalaraŭ, i za tydzień pakazu (premjera była 19 lipienia) jaho ŭdałosia adbić.

Na Jutubie źjaviŭsia biełaruskamoŭny trejler filma.

«Nie viedaju jak vy, a ja ŭvieś čas hladžu trejlery da filmaŭ, zvyčajna u aryhinale. A niekatoryja maje znajemyja, nie vałodajučy anhlijskaj, musiać hladzieć trejlery pa-rasiejsku, — piša inicyjatar pierakładu Andrej Kim. — Voś ja i padumaŭ,

kali my pakul nie majem mahčymaści hladzieć premjery kino na rodnaj movie, to nichto nie zaminaje pačać ź pierakładu trejleraŭ.
Trejlery papularnych filmaŭ, takoha jak „Dark Knight: Rises“, majuć dziesiatki miljonaŭ prahladaŭ u śviecie i sotni tysiač — pa-rasiejsku.

Ci nie zdorava budzie, kali niekalki dziesiatkaŭ tysiačaŭ biełarusaŭ zdolejuć pabačyć trejler da doŭhačakanych błakbasteraŭ na RODNAJ movie?»

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?