U subotu na arenie «Žalhirys» u Kaŭnasie sabrałasia kala 15 tys. prychilnikaŭ amierykanskaha hurta Red Hot Chili Peppers. Usie kvitki na kancert byli raskuplenyja ŭ pieršyja dni pačatku prodažu kvitkoŭ.
Pierad pačatkam vystupu «piercaŭ» hledačy vyrašyli zrabić muzykam siurpryz i prylapili sabie vusy. Takim čynam jany chacieli pavitać novy imidž vakalista hrupy Entani Kidzisa, u vienach jakoha ciače litoŭskaja kroŭ.
E.Kidzis pavitaŭsia z publikaj na litoŭskaj, praŭda, niekalki niaŭpeŭniena: "Lavas vakaras. Ačiū". Adnak adrazu paśla pieršaj pieśni jaho ścipłaść źnikła.
«My vielmi rady być tut. Dva amierykancy, adzin aŭstralijec i adzin litoviec», - paśla hetych słoŭ basista Flea zała vitała ahłušalnymi apładysmientami.
Scenu muzyki ŭpryhožyli litoŭskim ściaham.
Kancert byŭ haračym, i sam Entani, zdajecca, byŭ zadavoleny publikaj.
Muzyki takoha ŭzroŭniu zvyčajna skančajuć svaju prahramu, nie vychodziačy na «bis». Ale na hety raz muzyki zrabili dla litoŭskaj publiki vyklučeńnie i vykanali jašče niekalki piesień z novaha alboma.
«Sustreniemsia jašče raz, Litva», - paabiacaŭ E.Kidzis, skančajučy kancert, jaki doŭžyŭsia bolš za dźvie hadziny.
RHCP prajechali mima Biełarusi, vystupiŭšy ŭ Pieciarburhu, Maskvie, Kijevie, Varšavie i kirujučysia ciapier u Talin.
