Bresan blisnuŭ na «Ołd Trafard» 12

Alimpijskaja zbornaja Biełarusi praviała druhi matč na futbolnym turniry na Hulniach. Siońnia ŭ Mančestery, u słavutym Teatry Mary, padapiečnyja Hieorhija Kandraćjeva hulali z Brazilijaj.

Biełaruskich futbalistaŭ na trybunach vitali nie tolki zaŭziatary ŭ čyrvona-zialonym, ale i biełaruskija žurnalisty z bieł-čyrvona-biełymi ściahami.

Biełarusy pieršymi zabili. Renan Bresan na 8-j chvilinie zabiŭ pryhoža hałavoj.

Praz 7 chvilin Alešandru Patu lik zraŭniaŭ. Našy nie tolki nie adyšli da svajoj bramy, ale i kontratakavali, toj ža Bresan mieŭ niekalki momantaŭ, dakazaŭšy, što nie darma pajechaŭ na Alimpijadu.

U druhim tajmie brazilcy zabili dva miačy (Niejmar, 65; Oskar, 90+3).

Novaja Ziełandyja — Jehipiet — 1:1.

Brazilija — 6, Biełaruś — 3, Jehipiet — 1, Novaja Ziełandyja — 1.

Takim čynam ŭsio vyrašycca ŭ matčy ź Jehiptam 1 žniŭnia (16.20). Na ŭsialaki vypadak treba pieramahać.

0

0

0

0

0

0

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH