Maładziečanskija zaŭziatary napisali adkryty list Barysu Baturu dapoŭniena 1

Zaŭziatary FK «Zabudova» (Maładziečna) 2-j lihi futbolnaha čempijanatu (kamanda «Maładziečna» niekali hulała ŭ vyšejšaj lizie, u siezonie 1994/95 zaniała 4-je miesca) źbirajucca źviarnucca da kiraŭnika minskaha abłvykankama Barysa Batury z adkrytym listom.

U liście raskryvajecca prablema maładziečanskaj kamandy «Zabudova», hulcy jakoj niekalki miesiacaŭ nie atrymlivajuć minimalnuju dapamohu.

Jak paviedamiŭ zaŭziatar FK «Zabudova» Ryhor Karol, inicyjatyŭnaja hrupa zaŭziataraŭ skłała list na imia Barysa Batury. U liście raskryvajecca prablema maładziečanskaj kamandy,

hulcy jakoj niekalki miesiacaŭ nie atrymlivajuć nijakaj navat minimalnaj dapamohi. Naprykład, jany vymušanyja za svaje hrošy kuplać sabie ježu ŭ dzień hulni.

«Kamanda nikomu nie patrebna, jaje ŭsio zakinuli, a chłopcy hulajuć ad čystaha serca, za siabie, za kamandu, za balelščykaŭ, jakija ich padtrymlivajuć i jeździać z kamandaj na ŭsie hulni», — adznačyŭ Ryhor Karol.

Ź listom zaŭziatary majuć namier źviarnucca ŭ paniadziełak, 30 lipienia.

Miž inšym, siońnia «Zabudova» nie źjaviłasia na haściavy matč čempijanatu 2-j lihi z «Homielčyhunkatransam». Na vyjezd źjavilisia 9 čałaviek, i było pryniata rašeńnie nie jechać. Maładziečancam zaličana techničnaja paraza 0:3.

U intervju football.by hałoŭny trenier «Zabudovy» Alaksandr Harmaza skazaŭ nastupnaje: «Futbalisty admovilisia jechać na hulniu. Pieradhistoryja takaja. Fanat našaj kamandy na „Pramoj linii“ zadaŭ pytańnie Barysu Baturu. Jon pytaŭsia pra toje, čamu ŭ futbolnym kłubie „Zabudova“ ludzi čatyry miesiacy nie atrymlivajuć nijakich hrošaj.

Batura adkazaŭ, što fanat nie vałodaje situacyjaj, maŭlaŭ, usio ŭ kamandzie dobra, hrošy vydzialajucca… Kudy jany vydzialajucca, my nie viedajem».

Heta aburalna. Voś na siońniašni vyjezd pryjšło tolki 9 čałaviek. Astatnija admovilisia. Chočacca, kab naš hubiernatar bolš nie kazaŭ niejkich duraściaŭ, a mer horada i inšaje kiraŭnictva trochi paviarnulisia da nas. Ščyra kažu, ja chacieŭ, kab chłopcy vyjechali na hulniu z «Homielžčyhunkatransam», ale jany pryniali inšaje rašeńnie.

Dumaju, što jany nie vyjduć i na bližejšuju chatniuju hulniu z «Isłačču».

— Tady, napeŭna, kamandu zdymuć z čempijanatu…

— Mahčyma, zdymuć. Kali kłub kamuści patrebien, treba niešta rabić. Situacyja vielmi sumnaja, asabliva ŭličvajučy, što ŭ horadzie majecca spartyŭnaja škoła, bahatyja futbolnyja tradycyi. Što tut kazać, kali ŭ dzień hulni futbalisty našaj kamandy nie atrymlivali charčavańnie. Jak takoje moža być? — skazaŭ Alaksandr Harmaza.

***

Paśla 18 hulniaŭ kamanda z 27 bałami zajmaje 9-y radok (usiaho ŭ pieršynstvie 2-j lihi biaruć udzieł 19 kamandaŭ).

kraj.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH