U kino 22-hadovy aŭstryjec debiutavaŭ pad psieŭdanimam Stronh.
Rola Konana-Varvara dała Švarcenehieru propusk na halivudski alimp.
Rola Terminatara zamacavała suśvietnuju słavu aktora.
Za aktoram zamacavaŭsia vobraz supierhieroja.
U 90-ch Švarcenehier pačaŭ zdymacca ŭ kamiedyjach, u filmie «Džunijor» jon navat naradziŭ.
Siońnia aktora možna pabačyć ź sivoj baradoj.
Ale na piensiju žalezny Arni vidavočna nie źbirajecca.
Pieršuju rolu małady aŭstryjec atrymaŭ u 22 hady. «Hierkulesa ŭ Ńju-Jorku» jon vykonvaŭ pad psieŭdanimam Stronh — na toj momant dla Halivuda jahonaje sapraŭdnaje proźvišča było zanadta składanym dla vymaŭleńnia.
Debiut nie prynios jamu žadanaj viadomaści i słavy, ale situacyja źmianiłasia paśla vychadu na ekrany «Konana-varvara» i «Konana-razburalnika». Potym byŭ pieršy «Teminatar», jaki staŭ kinakłasikaj i etałonam žanru. Ciažka pavieryć, što heta byŭ małabiudžetny film. Praciah «Terminatara» kančatkova zamacavaŭ Švarcenehiera na halivudskim alimpie.
U 90-ch aktor sprabuje siabie ŭ kinakamiedyjach, adychodziačy na čas ad vobraza supierhieroja. U filmie «Džunijor» jon naradžaje, u «Palicyjancie ź dziciačaha sadka» — vychoŭvaje dziaciej.
Druhaja pałova 90-ch prynosić prablemy sa zdaroŭjem, heta robicca pryčynaj časovaha sychodu sa sceny. Aktor čas ad času nahadvaje pra siabie rolami ŭ filmach pra kaniec śvietu, ale ni słavy, ni hanararaŭ jany jamu nie prynosiać. Kaniec karjery dla jaho nie nastupiŭ. Viartańnie Arnolda na vialikuju scenu zabiaśpiečyła treciaja častka «Terminatara».
Z 2003 pa 2011-y Švarcenehier pracuje hubiernataram štata Kalifornija. Zdavałasia b, tut i zusim pra kino možna zabycca za dziaržaŭnymi kłopatami. Na publicy jon źjaŭlajecca z pasiviełaj baradoj i heta vyklikaje ŭ amierykanskaj presie adpaviednyja vodhuki.
Ale vyhladaje, što na piensiju Arni nie źbirajecca. Nieŭzabavie na ekrany vyjdzie film «Niastrymnyja-2», u jakim Švarcenehier nahadaŭ pra siabie razam ź inšymi vieteranami sceny—Silviestram Stałone, Čakam Norysam, Brusam Uilisam dy inšymi.