Biełaruskija ŭłady i Kamitet dziaržaŭnaj biaśpieki nie źviartalisia da arhanizataraŭ «plušavaha desanta» paśla apublikavańnia adkrytaha lista adnaho ź inicyjataraŭ akcyi Pera Kromveła Alaksandru Łukašenku. Ab hetym Kromveł paviedamiŭ u intervju BiełaPAN 30 lipienia.
«Z času publikacyi našaj zajavy adnosna praviedzienaj akcyi i majho adkrytaha lista Alaksandru Łukašenku nichto z pradstaŭnikoŭ biełaruskaj ułady abo KDB nie vychodziŭ z nami na suviaź, nie było absalutna nijakich kantaktaŭ», — skazaŭ Kromveł.
Pavodle jaho słoŭ, ciapier arhanizatary «plušavaha desantu» razhladajuć mahčymaść padrychtoŭki aficyjnaha dakumienta dla pravaachoŭnych orhanaŭ Biełarusi.Heta abumoŭlena tym, što papiarednija zajavy Kromveła i inšych udzielnikaŭ akcyi, zroblenyja ŭ internecie abo ŭ ŚMI, faktyčna nie źjaŭlajucca aficyjnymi dakumientami dla śledstva.
Nahadajem, šviedski samalot pierasiok dziaržaŭnuju miažu Biełarusi ranicaj 4 lipienia z boku Litvy. Nad Iviancom i Minskam byli skinutyja sotni plušavych miadźviedziaŭ z demakratyčnymi łozunhami. Adkaznaść za akcyju ŭziali na siabie pradstaŭniki šviedskaj
Biełaruskija vajennyja i pamiežniki admaŭlali fakt niezakonnaha pierasiačeńnia miažy zamiežnym samalotam, pakul arhanizatary akcyi nie vykłali ŭ internecie videa, jakoje paćviardžała hety palot.
