Uviečary 30 lipienia maci i baćka Antona Surapina, nie dačakaŭšysia vyzvaleńnia syna ź SIZA KDB, viartajucca ź Minska ŭ Słuck. U ich była nadzieja na toje, što, kali Łukašenka paabiacaŭ da paniadziełka pryciahnuć da adkaznaści vinavatych u niezakonnym pierasiačeńni miažy šviedskim samalotam ź plušavymi miadźviedziami, to ŭ hety dzień i ščaśliva vyrašycca los Antona.
Choć, jak pryznała ŭ razmovie z karespandentam maci fatohrafa, Anton i vinavatyja ŭ pierasiačeńni miažy — heta dźvie roznyja spravy.
Niahledziačy na heta, svajaki spadziajucca na chutkaje vyzvaleńnie Antona.«Kali jaho vyzvalać, advakat ab hetym daviedajecca pieršy. Kali heta adbudziecca siońnia, my vierniemsia ŭ Minsk», — skazała Alona Surapina.
Dniom 30 lipienia ŭ Minsku baćka i maci fatohrafa sustrakalisia ź jaho advakatam.Pa słovach abaroncy, jakaja nie maje prava vydavać materyjały śledstva, Anton pačuvajecca narmalna, taksama spadziajecca na chutkaje vyzvaleńnie. Na pramoje pytańnie advakatu ad baćkoŭ, jakija vyvučali ŭ minułyja vychodnyja Kryminalny kodeks, ci pradjaŭlena jamu abvinavačvańnie, abaronca adkazała ŭnikliva.
Miarkujučy pa apoviedzie maci Antona, pakolki syn nie vyzvalenyz-pad varty, značyć, abvinavačvańnie ŭsio ž taki pradjaŭlenaje.
Surapin byŭ zatrymany KDB 13 lipienia pa spravie ab niezakonnym pierasiačeńni miažy šviedskim lohkamatornym samalotam. Na jahonym sajcie pieršym źjavilisia fatahrafii skinutych nad Biełaruśsiu plušavych miadźviedziaŭ.
