Kandydatam u vice-prezidenty ZŠA ad Romni stanie 42-hadovy Poł Rajan 6

Deputat pałaty pradstaŭnikoŭ ZŠA Poł Rajan — adzin z samych papularnych kansiervataraŭ. Rajana mnohija paraŭnoŭvajuć z Ronaldam Rejhanam — i z vyhladu, i pa svaich ultrakansiervatyŭnych pohladach.

Respublikancy spadziajucca, što taki vybar pavialičyć padtrymku Mita Romni.

Pakul pravy kandydat adstaje ŭ papularnaści ad dziejnaha prezidenta Baraka Abamy.

Poł Rajan — pieršy palityk-siamidziasiatnik na ahulnanacyjanalnaj amierykanskaj scenie.

Jon naradziŭsia ŭ 1970 hodzie. U 29 hadoŭ jon staŭ kanhresmienam ad štata Viskonsin. U nižniaj pałacie parłamienta jon uznačalvaje biudžetny kamitet.

U Rajana troje dziaciej. Jon viernik-katalik ź irłandskimi karaniami.

U jaho jość adna, pa amierykanskich mierkach, chiba. Vybarcy ŭ ZŠA šmat uvahi nadajuć zdaroŭju palitykaŭ, a ŭ Rajana tata, dzied i pradzied pamierli ad infarktaŭ u 55, 57 i 59 hadoŭ adpaviedna. U vyniku hetaha Rajan nadaje asablivuju ŭvahu zdarovamu ładu žyćcia.

Što cikava, Romni aficyjna prezientuje Rajana ŭ jakaści kandydata na avijanoscy ŭ Norfałku.

Heta charakterna dla amierykanskaj demakratyi. Apazicyja maje tyja samyja pravy ŭ časie vybarčaj kampanii, što i dziejnyja ŭłady. Heta dazvalaje realnuju palityčnuju kankurencyju i naturalny adbor najiepšych.

Bolšaść biełarusaŭ Amieryki tradycyjna hałasujuć za respublikancaŭ.

U vypadku Abamy taki vybar moža akazacca jašče bolš masavym: prezident-demakrat za svaju kadencyju ni razu nie sustreŭsia ź biełarusami. Zrešty, staŭleńnie Vašynhtona da situacyi ŭ Biełarusi pry hetym nie pamianiałasia, prosta ŭvahi stali nadavać mienš.

Mikoła Buhaj

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH