Jak paviedamiła pres-słužba KDB, supracoŭniki ich viedamstva pa Bresckaj vobłaści zatrymali 28-hadovaha žychara Bresta.
Jaho zatrymali pry sprobie zboru infarmacyi pra hramadzian Biełarusi «pa zadańni zamiežnaj śpiecsłužby».
Ciapier mužčyna znachodzicca ŭ SIZA. U adnosinach da jaho zaviedziena kryminalnaja sprava pa art. 356-1 KK RB «Ustanaŭleńnie supracoŭnictva sa śpiecsłužbaj, orhanam biaśpieki albo raźviedorhanam zamiežnaj dziaržavy na kanfidencyjnaj asnovie pry adsutnaści prykmietaŭ zdrady radzimie». Pakarańnie praduhledžvajecca ŭ vyhladzie pazbaŭleńnia voli na termin da 2 hadoŭ.
«Časta zamraźviedkami vykarystoŭvajucca žorstkija mietady pracy, u suviazi z čym našyja hramadzianie mohuć trapić u biezvychodnuju kampramietujučuju situacyju. Mienavita tamu zakanadaŭstvam praduhledžana vyzvaleńnie ad kryminalnaj adkaznaści asobaŭ, jakija svoječasova źviarnulisia ŭ orhany dziaržaŭnaj biaśpieki ź infarmacyjaj pra pryciahnieńnie ich da supracoŭnictva zamiežnymi śpiecsłužbami»,
— zajavili ŭ KDB.
12 lipienia KDB paviedamiŭ, što spyniŭ špijonskuju dziejnaść biełaruskich hramadzian, jakaja ažyćciaŭlajecca ŭ intaresach śpiecsłužbaŭ Litvy. MZS Litvy takuju infarmacyju admaŭlaje. Zajaviŭ, što ničoha takoha nie było i namiaknuŭ, što heta pijar.