U Vaŭkavysku zabili dźviuch žančyn 1

U Vaŭkavysku Hrodzienskaj vobłaści ŭčyniena zabojstva dvuch žančyn piensijnaha i pieradpiensijnaha ŭzrostu.

Jak paviedamlaje aficyjny pradstaŭnik upraŭleńnia Śledčaha kamiteta pa Hrodzienskaj vobłaści Siarhiej Šaršanievič, 9 žniŭnia kala 14.30 u kvatery žyłoha doma była znojdziena sa šmatlikimi kołata-rezanymi ranami ŭ vobłaści šyi žančyna 1960 hoda naradžeńnia, jakaja praz hadzinu pamierła ŭ reanimacyjnym adździaleńni rajonnaj balnicy. Pa hetym fakcie Vaŭkavyski rajonny adździeł SK raspačaŭ kryminalnuju spravu na padstavie č. 1 art. 139 KK (zabojstva).

U toj ža dzień u 20.39 u niežyłym domie ŭ rajcentry sa šmatlikimi kołata-rezanymi ranami tvaru i šyi byŭ znojdzieny trup miascovaj žycharki 1954 hoda naradžeńnia. Pa hetym fakcie Vaŭkavyskim rajonnym adździełam SK taksama raspačata kryminalnaja sprava na padstavie č. 1 art. 139 KK.

Padčas praviedzienych śledča-apieratyŭnych mierapryjemstvaŭ ustanoŭleny padazrony.

Im akazaŭsia niepracujučy raniej sudzimy žychar Vaŭkavyska 1990 hoda naradžeńnia, zatrymańnie jakoha praviali supracoŭniki Vaŭkavyskaha RAUS.

Abodva złačynstvy ŭčynienyja padčas kanfliktaŭ, što ŭźnikli pamiž padazronym i jaho achviarami padčas sumiesnaha raśpićcia śpirtnych napojaŭ.

Uličvajučy, što va ŭčynieńni abodvuch złačynstvaŭ padazrajecca adna i taja ž asoba, kryminalnyja spravy abjadnanyja ŭ adnu vytvorčaść i dalejšaje rasśledavańnie pravodzić upraŭleńnie Śledčaha kamiteta pa Hrodzienskaj vobłaści. Dla vyśviatleńnia akaličnaściaŭ zdareńnia stvorana śledčaja hrupa ź liku najbolš daśviedčanych śledčych.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH