Alaksandr Łukašenka 13 žniŭnia pryniaŭ z dakładam staršyniu praŭleńnia Nacyjanalnaha banka Nadzieju Jermakovu. Łukašenka byŭ painfarmavany pra situacyju na valutnym rynku i kredytavańni ekanomiki ŭ cełym.
Razmova taksama išła ab rabocie bankaŭskaj sistemy z nasielnictvam pa ŭkładach, pa kredytach, u tym liku pa kredytavańni žyllovaha budaŭnictva.
Łukašenka pastaviŭ zadaču zabiaśpiečyć biezumoŭnuju realizacyju ŭsich namiečanych płanaŭ pa stabilnym funkcyjanavańni valutnaha rynku.Alaksandr Łukašenka asabliva padkreśliŭ, što zołatavalutnyja reziervy pavinny być sfarmavany ŭ zadadzienym abjomie. Jon adznačyŭ, što ŭrad sumiesna z Nacyjanalnym bankam pavinny zabiaśpiečyć utrymańnie inflacyi ŭ ramkach zadadzienych paramietraŭ.
Asablivuju ŭvahu Alaksandr Łukašenka nadaŭ ŭpłyvu Nacyjanalnaha banka na pracesy naroščvańnia ekspartu.
Jak zapeŭniła kiraŭnik Nacbanka, jość usie pieradumovy dla taho, kab pavialičvać ekspart, što ŭ svaju čarhu harantuje mahčymaść vyraznaha absłuhoŭvańnia źniešnich kredytnych abaviazacielstvaŭ i ŭtrymańnie zołatavalutnych reziervaŭ na ŭzroŭni biaśpieki.
0
0
0
0
0
0
