Pra heta havorycca va ŭkazie Alaksandra Łukašenki № 369 ad 20 žniŭnia 2012 hoda, paviedamlaje BiełTA.

Inviestycyjny prajekt pa stvareńni turystyčnaha kulturna-etnahrafičnaha kompleksu «Naš rodny kut Sabali» na terytoryi Biarozaŭskaha rajona Bresckaj vobłaści budzie realizavany z 2012 pa 2015 hod. Turystyčny kompleks budzie ŭklučać u siabie hatel, restaran, etnahrafičny muziej, aŭtamabilnuju stajanku, łyžarolernuju trasu, fiermu bujnoj rahataj žyvioły i inšyja abjekty, a taksama inžyniernuju i transpartnuju infrastrukturu, jakaja zabiaśpiečvaje ich funkcyjanavańnie.

Respublika Biełaruś zaklučyć inviestycyjny dahavor z TAA «Trajpł», TAA «Varyjant» i STAA «NieftieChimTriejdinh», a taksama arhanizacyjaj, jakaja stvarajecca dadzienymi tavarystvami dla realizacyi prajekta. Bresckamu abłvykankamu daručana zrabić heta na praciahu troch miesiacaŭ.

Akramia taho, abłvykankam pavinien addać u arendu terminam na 99 hadoŭ ziamielny ŭčastak ahulnaj płoščaj nie bolš za 333,4 ha, raźmieščany ŭ rajonie vioski Sabali Biarozaŭskaha rajona i prymykaje da respublikanskaj aŭtadarohi M1/Je30 Brest — Minsk — miaža Rasii, u tym liku 239,68 ha ziamiel sielskahaspadarčaha pryznačeńnia. Pry hetym možna budzie vykarystoŭvać nie bolš za 3% ziamiel sielskahaspadarčaha pryznačeńnia i nie bolš za 5% ziamiel lasnoha fondu dla metaŭ, nie źviazanych ź ich pryznačeńniem.

Arhanizacyi, jakija vykonvajuć prajektavańnie i budaŭnictva abjektaŭ turystyčnaha kompleksu, vyzvalać ad abaviazkovych adličeńniaŭ u inavacyjnyja fondy ad sabiekoštu vykananych imi prajektnych i budaŭničych rabot na hetych abjektach.

Saviet Ministraŭ i Brescki abłvykankam pavinny buduć akazvać sadziejničańnie inviestaram u realizacyi inviestycyjnaha prajekta, u tym liku ŭ vyrašeńni pytańniaŭ, źviazanych z arhanizacyjaj paralelnaha prajektavańnia i budaŭnictva i afarmleńniem pravoŭ na ziamielnyja ŭčastki.

Stvaranaj arhanizacyi dazvolena afarmlać nieabchodnyja dakumienty pa advodzie ziamielnych učastkaŭ u paskoranym tempie — paetapna, adnačasova z vykanańniem rabot pa budaŭnictvie abjektaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?