Praces Vitolda Pileckaha 1948 h.
Fond Paradis Judeaorum źviarnuŭsia da prezidenta Polščy, a taksama da mitrapalita Krakaŭskaha dy Instytuta nacyjanalnaj pamiaci Polščy ź inicyjatyvaj pachavać cieła słavutaha padpolščyka rotmistra Vitolda Pileckaha ŭ Vavielskim zamku ŭ Krakavie.
Hierojskija ŭčynki, jakija jon ździejśniŭ, staviać jaho ŭ adzin šerah z karalami – napisana ŭ liście fondu.
Niekatory čas tamu fond Paradis Judeaorum źviazaŭsia z halivudskimi akciorami Mełam Hibsanam i Klintam Istvudam, kab uviekaviečyć pamiać rotmistra ŭ filmie.
Vitold Pilecki prasłaviŭsia tym, što dabravolcam adpraviŭsia ŭ kancłahier Aśviencim, kab stvaryć tam padpolnuju arhanizacyju. Jon pieršy pieradaŭ na volu infarmacyju ab nacysckich złačynstvach u kancłahiery, akazvaŭ dapamohu viaźniam, arhanizavaŭ niekalki ŭciokaŭ.Paśla taho, jak Vitold Pilecki sam uciok z kancłahiera, jon braŭ udzieł u Varšaŭskim paŭstańni.
Paśla vajny rotmistr byŭ aryštavany kamunistyčnymi ŭładami i rasstralany.
Žyćcio Pileckaha ciesna źviazana ź Biełaruśsiu. Pierad vajnoj jon žyŭ u majontku Sukurčy pad Lidaj. Tut naradzilisia jaho dzieci. Siońnia ad majontka Pileckich nie zastałosia i śledu.
0
0
0
0
0
0
