Biełaruś voźmie ŭdzieł u Suśvietnym tydni pradprymalnictva 1

Druhi hod zapar Biełaruś budzie ŭdzielničać u Suśvietnym tydni pradprymalnictva, jaki projdzie z 12 pa 18 listapada. Pra heta paviedamlaje Biełaruski dziełavy partał bel.biz, jaki vystupaje arhanizataram mierapryjemstva.

«U hałoŭnych mierapryjemstvach tydnia voźmuć udzieł bolš jak 500 biełaruskich i zamiežnych kampanij i inviestaraŭ, a taksama prykładna 30 zamiežnych śpikieraŭ. Maładyja pradprymalniki, jakija majuć biźnies-idei i hatovyja prajekty, zmohuć sustrecca ź mižnarodnymi mientarami i ekśpiertami ź Silikonavaj daliny, — paviedamiła kiraŭnik Centra dziełavych kamunikacyj bel.biz Taćciana Marynič. — My rady, što sioleta hienieralnym partnioram tydnia znoŭ vystupiła Ahienctva ZŠA pa mižnarodnym raźvićci (USAID)».

Prahrama Suśvietnaha tydnia pradprymalnictva budzie ŭklučać: II Mižnarodny forum pradprymalnictva, ICT-kanfierencyju sumiesna ź Mižnarodnaj finansavaj karparacyjaj, StartUp dzień, konkursy, treninhi, majstar-kłasy, prezientacyi i dyskusii.

Meta ŭsich mierapryjemstvaŭ tydnia, jak adznačajuć arhanizatary, — pošuk i prasoŭvańnie novych biźnies-idej u Biełarusi, naładžvańnie dziełavych kantaktaŭ, pošuk inviestaraŭ dla realizacyi biźnies-płanaŭ maładych pradprymalnikaŭ, uciahvańnie Biełarusi ŭ mižnarodnyja pradprymalnickija prajekty, a taksama raźvićcio dziaržaŭna-pryvatnaha partniorstva.

Śpikierami i maderatarami mierapryjemstvaŭ tydnia pradprymalnictva ŭ Minsku stanuć biźniesmieny i ekśpierty ź Biełarusi, Litvy, Łatvii, Polščy, Estonii, Vienhryi, ZŠA, Turcyi, Indyi, Małajzii i inšych krain.

Biełaruś dałučyłasia da praviadzieńnia Suśvietnaha tydnia pradprymalnictva ŭ 2011 hodzie, tady ŭ hetaj inicyjatyvie ŭdzielničała rekordnaja kolkaść krain — 123. Upieršyniu mierapryjemstva adbyłosia ŭ 2006 hodzie pry padtrymcy prem'jer-ministra Vialikabrytanii Hordana Braŭna. Z 2008 hoda Suśvietny tydzień pradprymalnictva pravodzicca ŭ Rasii, z 2011 hoda — u Biełarusi i padtrymlivajecca mižnarodnymi donarskimi arhanizacyjami, biźniesam, hramadskimi arhanizacyjami i ŭradam.

Maryna Nosava, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH