Studentam, jakija žadajuć vučycca va ŭniviersitecie na biełaruskaj movie, na praktycy ciažka vykarystać hetuju mahčymaść. Ale zaŭždy treba damahacca vykanańnia zakonnych pravoŭ, jakija zamacavany na zakanadaŭčym uzroŭnie.
U adpaviednaści z p. 1 art. 90 Kodeksa Respubliki Biełaruś ab adukacyi dziaržava harantuje hramadzianam prava vybaru navučańnia na adnoj ź dziaržaŭnych moŭ Respubliki Biełaruś i stvaraje ŭmovy dla realizacyi hetaha prava. Mova navučańnia vyznačajecca zasnavalnikam ustanovy adukacyi z ulikam pažadańniaŭ navučencaŭ. Punkt 2 art. 90 zhadanaha Kodeksa ŭstanoŭlena, što zabieśpiačeńnie prava hramadzian na vybar navučańnia i vychavańnia na adnoj ź dziaržaŭnych moŭ ažyćciaŭlajecca ŭ tym liku šlacham raźvićcia sietki ŭstanoŭ adukacyi (kłasaŭ, hrup, patokaŭ) ź biełaruskaj i ruskaj movami navučańnia i vychavańnia.
U suviazi z hetym, Tavarystva biełaruskaj movy niadaŭna raspracavała ŭzor zajavy, što moža napisać student, jaki abiraje navučńnie ŭ VNU na biełaruskaj movie. Uzor zajavy na imia rektara VNU vy možacie spampavać na sajcie arhanizacyi.
