Junaki z partretami Łapickaha na lasnym ušanavańni.

Junaki z partretami Łapickaha na lasnym ušanavańni.

1 vieraśnia, u dzień narodzinaŭ Raścisłava Łapickaha, adbylisia raznastajnyja akcyi jaho pamiaci.

Hety junak maje poŭnaje prava na hanarovaje zvańnie Hieroja Biełarusi.

Jon byŭ rodam ź vioski Kasuta Vilejskaha rajona. Jahony baćka tam słužyŭ pravasłaŭnym śviatarom.

U 1948-1949 hadach Łapicki ź siabrami stvaryli antysavieckuju padpolnuju arhanizacyju, jakaja raspaŭsiudžvała ŭlotki. Jana pratrymałasia niekalki hadoŭ, pakul na jaje śled nie vyjšli savieckija śpiecsłužby. U 1950 hodzie hrupa była raskrytaja. Dopyty, katavańni — i prysud.

Hrupa staviła svajoj zadačaj dabicca niezaležnaści Biełarusi, što razhladałasia savieckim režymam jak asablivaje złačynstva. Udzielnikaŭ adpravili hnić u kancłahiery, a kiraŭniki — Raścisłaŭ Łapicki dy Fakunda Nieściarovič — byli asudžanyja na rasstreł. Nieściarovič napisaŭ prašeńnie ab pamiłavańni, i rasstreł jamu zamianili źniavoleńniem. Raścisłaŭ pisać prašeńnie admoviŭsia. Jaho rasstralali va ŭročyščy Krasny Bieražok la Vilejki. Było jamu tady 22 hady.

U Kasucie zachavałasia chatka Łapickich. Bolš pra Raścisłava Łapickaha ŭ knizie: Michaś Čarniaŭski. Jak pošuh małanki. — Minsk: Technałohija, 2006.

Akcyi pamiaci Łapickaha adbylisia na siadzibach biełaruskich supołak u RB i za miežami. U Smarhoni akcyja pamiaci Łapickaha skončyłasia zatrymańniami mastakoŭ i žycharoŭ horada.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?