Jaho meta — zapampavać u fotaschovišča Vikipedyi zdymki historyka-kulturnaj spadčyny śvietu, jak symbal i śviedčańnie dziejnaści čałavieka.

Zhodna z dadzienymi vikipedystaŭ, za pieršyja 8 dzion ad Biełarusi u konkursie paŭdzielničali bolš za 50 čałaviek, zahruziŭšy 1128 fotazdymkaŭ biełaruskaj architekturnaj spadčyny. Za hety samy čas z usich 32 krainaŭ u konkursie ŭziali ŭdzieł 2,5 tysiačy ludziej, zahruziŭšy bolš jak 33 tysiačy zdymkaŭ. Biełaruś ciapier zajmaje 14 miesca, sastupajučy Rasiei i Ukrainie.

Udzielničać u konkursie moža kožny. Treba tolki zarehistravacca ŭ Vikipedyi i zapampavać zdymki, zroblenyja asabista, u suśvietnaje vikischovišča.

Na konkurs prymajucca zdymki tolki vyznačanych abjektaŭ zhodna ź Dziaržaŭnym śpisam historyka-kulturnych kaštoŭnaściaŭ. Pad čas zahruzki fatazdymkaŭ treba abrać pomnik sa śpisu i nacisnuć na jaho šyfr (identyfikatar) abjekta.

Pieramožca mižnarodnaha finału «Viki lubić słavutaści» atrymaje mahčymaść u žniŭni 2013 hodu palacieć u Hankonh. U pieramožcy taksama budzie mahčymaść naviedać mižnarodnuju kanferencyju «Vikimanija», pryśviečanuju raźvićciu Vikipedyi i idei volnych viedaŭ.

Finalisty mižnarodnaha konkursu atrymajuć vaŭčery fatahrafičnaj tematyki na sumu ad 400 da 50 eŭra.

Akramia hetaha, biełaruskija aŭtary najlepšych 15 zdymkaŭ atrymajuć sertyfikaty za plonny ŭdzieł u konkursie. U śniežni najlepšyja 13 zdymkaŭ patrapiać na kalendary 2013 hodu. Taksama budzie arhanizavanaja pierasoŭnaja vystaŭka najlepšych fotazdymkaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?