Francuzski sud pastanaviŭ zabaranić publikacyi, pieradruk i inšy raspaŭsiud fatahrafij napaŭaholenaj hiercahini Kiembrydžskaj.
Prakurory pakul jašče vyvučajuć hetuju spravu z tym, kab vyśvietlić, ci majucca padstavy dla pradjaŭleńnia abvinavačvańniaŭ kryminalnaha charaktaru fatohrafu, jaki sfatahrafavaŭ Kiejt toples padčas adpačynku karaleŭskaj pary ŭ adnym z francuzskich zamkaŭ.
Sud zapatrabavaŭ, kab italjanskaje vydaviectva Mondadori na praciahu sutak vydała aryhinały ličbavych fatahrafij. Parušalnikam hetaha sudovaha rašeńnia pahražaje štraf u tysiaču jeŭra.
Zajavu ŭ prakuraturu ab zaviadzieńni kryminalnaj spravy padali hiercah i hiercahinia Kiembrydžskija.
Z dapamohaj asobnaha hramadzianskaha pazovu, jaki, jak čakajecca, budzie padadzieny paźniej, muž i žonka majuć namier damahčysia kanfiskacyi z prodažu nakładu časopisa Closer, jaki apublikavaŭ skandalnyja fota.
Časopisu moža pahražać štraf u pamiery dziasiatkaŭ tysiač jeŭra, a jaho redaktaru — turemny termin.