Pamier marskich ryb moža pamienšycca amal na 24% u bližejšyja sorak hadoŭ, asabliva mocna heta prajavicca ŭ trapičnych rehijonach. Ab hetym piša hazieta The Guardian sa spasyłkaj na vyniki daśledavańnia, praviedzienaha navukoŭcami kanadskaha Univiersiteta Brytanskaj Kałumbii.

U ciopłaj vadzie mietabalizm ryb paskarajecca, tak što im patrabujecca bolš kisłarodu. Adnak ciopłaja vada ŭtrymoŭvaje mienš kisłarodu — heta i abmiažoŭvaje rost asobin,
tłumačać śpiecyjalisty.
«My byli ździŭlenyja vynikami. My nie mierkavali, što dziejańnie budzie takim mocnym i zakranie takija šyrokija terytoryi», —
zajaviŭ prafiesar Uiljam Čonh, jaki kiravaŭ daśledavańniem.
Paralelna z pamianšeńniem pamieru indyvidualnych asobin budzie iści skaračeńnie papulacyi marskich ryb. Heta moža stać surjoznaj prablemaj: čałaviectva, kolkaść jakoha, naadvarot, praciahvaje raści, spažyvaje ŭsio bolš i bolš ryby.

Situacyja ŭjaŭlajecca jašče bolš tryvožnaj, kali ŭličyć źjavy, źviazanyja z hłabalnym paciapleńniem, takija jak akiśleńnie akijana i pamianšeńnie abjomu pažyŭnych rečyvaŭ kala pavierchni vady, a taksama toj fakt, što rybnaja łoŭla viadziecca praźmierna aktyŭna.

«Dla miljarda ludziej ryba źjaŭlajecca asnoŭnaj krynicaj žyviolnaha białku — i hetaja ličba budzie tolki raści, asabliva ŭ krainach, jakija raźvivajucca», — ličyć prafiesar Kałłum Robiert z Univiersiteta Jorka.

Клас
Панылы сорам
Ха-ха
Ого
Сумна
Абуральна