«U Biełarusi samaja surjoznaja ŭvaha nadajecca temie procidziejańnia jadziernamu teraryzmu», — zajaviŭ 28 vieraśnia ŭ Ńju-Jorku ministr zamiežnych spraŭ Biełarusi Uładzimir Makiej padčas sustrečy vysokaha ŭzroŭniu pa procidziejańni jadziernamu teraryzmu. Jana pravodziłasia ŭ ramkach 67-j siesii Hienieralnaj asamblei AAN.

Jak paviedamiła pres-słužba MZS Biełarusi, ministr adznačyŭ, što kraina źjaŭlajecca ŭdzielnikam usich asnoŭnych univiersalnych dahavoraŭ pa hetaj prablematycy. Makiej aznajomiŭ udzielnikaŭ sustrečy z namahańniami Biełarusi pa baraćbie z teraryzmam na rehijanalnym i hłabalnym uzroŭniach i zaklikaŭ členaŭ mižnarodnaj supolnaści «prykłaści ŭsie namahańni dla dasiahnieńnia sapraŭdnaha pośpiechu ŭ baraćbie z hetym złom sučasnaści».

28 vieraśnia pad staršynstvam kiraŭnika biełaruskaha źniešniepalityčnaha viedamstva prajšła ministerskaja sustreča hrupy siabroŭ, jakija abjadnalisia ŭ baraćbie z handlem ludźmi.
Miždziaržaŭnaja hrupa, kaardynataram jakoj źjaŭlajecca Biełaruś, uklučaje 22 dziaržavy, jakija pradstaŭlajuć usie rehijony śvietu. Vystupajučy pierad udzielnikami sustrečy, Makiej padkreśliŭ, što «efiektyŭnaja baraćba z handlem ludźmi patrabuje kompleksnaha padychodu i palapšeńnia kaardynacyi dziejańniaŭ usich partnioraŭ». Jon zaklikaŭ udzielnikaŭ sustrečy da abjadnańnia namahańniaŭ i resursaŭ dla likvidacyi handlu ludźmi, u tym liku ŭ kantekście padrychtoŭki ahladu vykanańnia hłabalnaha płana dziejańniaŭ AAN pa baraćbie z handlem ludźmi.

U chodzie sustrečy pa inicyjatyvie biełaruskaha boku była pryniataja dekłaracyja «Ab hłabalnych namahańniach pa baraćbie z handlem ludźmi», u jakoj akreśleny dalejšyja sumiesnyja kroki hrupy siabroŭ i mižnarodnych arhanizacyj u hetym kirunku.

U hety ž dzień Uładzimir Makiej pravioŭ sustreču sa staršynioj Hienieralnaj asamblei AAN Vukam Jaremičam. U chodzie hutarki jon adznačyŭ, što Biełaruś nacelena na kanstruktyŭnaje supracoŭnictva z usimi partniorami pa realizacyi rašeńniaŭ vynikovaha dakumienta kanfierencyi AAN pa ŭstojlivym raźvićci «Budučynia, jakuju my chočam». Jaremič vykazaŭ upeŭnienaść, što pryjarytety Biełarusi ŭ takich najvažniejšych śfierach, jak raspracoŭka metaŭ ustojlivaha raźvićcia, supracoŭnictva ŭ halinie enierhietyki i pieradača enierhatechnałohij majučym patrebu krainam znojduć šyrokuju padtrymku siarod dziaržaŭ — členaŭ AAN.

Taksama 28 vieraśnia ministr zamiežnych spraŭ Biełarusi pravioŭ dvuchbakovyja sustrečy sa svaimi kalehami z Armienii, Nikarahua, Słavakii, Siryi, Turkmienistana i Turcyi.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?