Takoje rašeńnie, jak paviedamlaje pres-słužba ŭrada, utrymlivajecca ŭ pastanovie Savieta ministraŭ № 883 ad 29 vieraśnia.

«Vierasień taksama aznamienavaŭsia dla krainy pavyšeńniem ekspartnych pošlin, prytym što dahetul Biełaruś śledam za Rasijaj štomiesiac z maja hetaha hoda źnižała ekspartnyja pošliny na naftu i naftapradukty», — adznačajecca ŭ paviedamleńni.

Ekspartnaja pošlina na syruju naftu 1 kastryčnika pavialičyłasia z 393,8 dołara da 418,9 dołara za adnu tonu.
Adzinaja staŭka ekspartnaj pošliny na śvietłyja i ciomnyja naftapradukty (akramia bienzinu), jakaja z 1 kastryčnika 2011 hoda ŭnifikavanaja na ŭzroŭni 66% pošliny na naftu, z 1 kastryčnika 2012 hoda składaje 276,4 dołara za adnu tonu suprać 259,9 dołara za adnu tonu ŭ vieraśni 2012 hoda. Takaja ž pošlina ŭstanoŭlena na bienzoł, tałuoł, ksiłoły. Na tavarnyja bienziny i pramahonny bienzin staŭka vyvaznych mytnych pošlin, zychodziačy z kaeficyjentu 0,9, składaje 377 dołaraŭ zamiest 354,4 dołara za adnu tonu ŭ vieraśni. Pošlina na prapan, butany, etylen, prapilen, butylen i butadyjen, inšyja zvadkavanyja hazy vyrasła z 76,2 dołara da 172,5.

Pastanovaj uniesieny źmianieńni ŭ pastanovu Savieta Ministraŭ № 1932 ad 31 śniežnia 2010 hoda «Ab ustanaŭleńni stavak vyvaznych mytnych pošlin adnosna nafty syroj i asobnych katehoryj tavaraŭ, vypracavanych z nafty, i pryznańni straciŭšymi siłu niekatorych pastanoŭ Savieta Ministraŭ Respubliki Biełaruś». Dakumient pryniaty ŭ adpaviednaści z ukazam № 716 ad 31 śniežnia 2010 hoda «Ab staŭkach vyvaznych mytnych pošlin».

Z 1 kastryčnika 2011 hoda Biełaruś śledam za Rasijaj ažyćciaŭlaje raźlik ekspartnych pošlin na naftu i naftapradukty pa formule «60/66».
Havorka idzie ab pradukcyi, jakaja vyvozicca z terytoryi krainy za miežy mytnaj terytoryi Mytnaha sajuza. Formuła raźliku padrazumiavaje, što staŭka ekspartnych pošlin na śvietłyja i ciomnyja naftapradukty ŭnifikujecca i raźličvajecca z kaeficyjentam 0,66 (66%) ad staŭki pošliny na naftu. Adnačasova 1 kastryčnika ekspartnaja pošlina na naftu była źnižana šlacham skaračeńnia pracenta ad roźnicy pamiž canoj manitorynhu nafty i canoj adsiačeńnia z 65% da 60%. Pry hetym kaeficyjent raźliku staŭki pošliny na bienziny składaje 0,90 (90%).

Jak adznačaje pres-słužba, z 2011 hoda Biełaruś impartuje rasijskuju naftu biaspošlinna, ale pieraličvaje ŭ biudžet Rasii vyvaznyja mytnyja pošliny na naftapradukty, vyrablenyja z hetaj vuhlevadarodnaj syraviny i pradadzienyja ŭ trecija krainy. Ekspartnyja pošliny ad prodažu nafty ŭłasnaj zdabyčy (kala 1,7 młn. ton u hod) kraina zaličvaje ŭ svoj biudžet. Tak, za studzień-žnivień 2012 hoda Biełaruś pieraličyła ŭ biudžet Rasii 2,7 młrd. dołaraŭ vyvaznych mytnych pošlin na naftapradukty, atrymanyja z rasijskaj nafty. Za 2011 hod hetaja suma skłała 3,07 młrd. dołaraŭ.

Taćciana Karaviankova, BiełaPAN.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?