Daronin syšoŭ ad Kempbeł 5

Rasijski miljarder i staršynia chołdynhu Capital Group Uładzisłaŭ Daronin razyšoŭsia sa svajoj siabroŭkaj znakamitaj supiermadellu Naomi Kempbeł.

Jašče nie tak daŭno ŭ ŚMI źjaviłasia imfarmacyja, byccam Daronin zabaŭlajecca z top-madellu Kiejt Mos na adnym z elitnych kurortaŭ. Reparciory adrazu apublikavali niekalki pikantnych zdymkaŭ, na jakich Mos i Daronin piaščotna abdymajucca i śmiajucca. Pryčym Kempbeł pobač nie było. Adnak nieŭzabavie sama Kiejt abvierhła hetyja čutki, zajaviŭšy, što pamiž joju i Uładzisłavam tolki siabroŭstva.

Zaraz źjaviłasia infarmacyja, što Daronin usio ž syšoŭ ad Naomi Kempbeł. Hetym razam razłučnicaj stała niejkaja rasiejskaja madelka.

Imia dziaŭčyny nie paviedamlajuć, adnak kažuć, što aliharch maje namier ź joj ažanicca. Pakul ni sam Daronin, ni Kempbeł nijak nie prakamientavali hetuju infarmacyju.

Varta dadać, što ŭ śvieckim śviecie daŭno zaŭvažali intares Daronina da madelaŭ. Da taho, jak Uładzisłaŭ paznajomiŭsia z «Čornaj panteraj», piać hadoŭ jon sustrakaŭsia z maniekienščycaj Karen Šonbachler.

Maryna Barščeŭskaja

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH