«1812: Chronołohija Otiečiestviennoj vojny na starych počtovych otkrytkach i v hrafikie» vyjšła ŭ minskim vydaviectvie «Technałohija». Jak paviedamlaje «Sovietskaja Biełoruśsija»,
u albomie źmieščana bolš za 300 starych paštovak i hrafičnych vyjaŭ z kalekcyj Uładzimira Piefcijeva i Uładzimira Lichadziedava.
Heta partrety impierataraŭ Rasii i Francyi, chaty, u jakich spyniaŭsia Napaleon, miescy dyskałakacyj armij...
Uładzimir Piefcijeŭ ličycca adnym z samych bahatych ludziej krainy. Da niadaŭniaha času jon źjaŭlaŭsia ŭładalnikam najbujniejšaj u Biełarusi kampanii pa eksparcie-imparcie ŭzbrajeńnia i vajskovaj techniki «Biełtechekspart». Jeŭrapiejskim Sajuzam jon uniesieny ŭ śpis asobaŭ, jakim zabaronieny ŭjezd na terytoryju sajuza, jak asobie, nabližanaj da Alaksandra Łukašenki.
Letam u Muziei historyi Vialikaj Ajčynnaj vajny adkryłasia vystava litahrafij, hraviur i paštovak siaredziny XIX — pačatku XX stahodździa «1812 hod. Vajna i śviet» na asnovie kalekcyj Piefcijeva i Lichadziedava. Tady i vyjaviłasia, što biznesoviec jašče i kalekcyjanier.
