U aŭtorak: Biełaruś — Hruzija. Jakim budzie lik? 10

Hałoŭny trenier futbolnaj zbornaj Hruzii Temury Kiecbaja raźličvaje na pieramohu ŭ adboračnym matčy čempijanatu śvietu-2014 suprać kamandy Biełarusi.

Na pres-kanfierencyi ŭ Minsku 15 kastryčnika nastaŭnik haściej zajaviŭ, što matč budzie ciažkim. «Biełaruś macniejšaja za Finlandyju. Paražeńnie 0:4 ad ispancaŭ i adsutnaść nabranych ačkoŭ jašče ni ab čym nie havorać.

U kamandu viarnuŭsia Alaksandr Hleb, i heta ŭskładniaje našu zadaču», — skazaŭ Kiecbaja.

Sustreča sapiernikaŭ u Tbilisi adbyłasia 7 vieraśnia. Hruzija atrymała pieramohu ź likam 1:0.

Matč Biełaruś — Hruzija projdzie 16 kastryčnika na minskim stadyjonie «Dynama», pačatak u 19.00.

U druhim matčy hrupy I Ispanija prymie Francyju.

Stanovišča kamandaŭ: Ispanija — 6 (2 matčy; roźnica miačoŭ 5–0), Francyja — 6 (2; 4–1), Hruzija — 4 (3; 2–2), Finlandyja — 1 (2; 1–2), Biełaruś — 0 (3; 1–8).

Jakim budzie lik? Ci idziacie Vy na futboł?

Dźmitryj Ułasaŭ, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH