Novyja fakty pryvodzić «Niezaležnaja hazieta». Vydańnie spasyłajecca na dadzienyja mižnarodnaj pravaabarončaj arhanizacyi Amnesty International, u adpaviednaści ź jakimi ŭ Kitai zafiksavany užo 41 vypadak, kali sialanie padpalvajuć siabie na znak pratestu suprać vysialeńnia.
Dziela stymulavańnia ekanamičnaha rostu na fonie suśvietnaha finansavaha kryzisu Piekin vydzieliŭ vialikija srodki na budaŭnictva žylla, prakładku daroh i inšyja infrastrukturnyja prajekty, jakija realizujuć pryvatnyja firmy, naniatyja miascovymi municypalitetami. U vyniku apošnija zaleźli ŭ pazyki. Kab ich pakryć, čynoŭniki siłaj vysialajuć sialan i ŭładalnikaŭ haradskich damoŭ.
Prodaž vyzvalenych učastkaŭ papaŭniaje miascovuju kaznu i dazvalaje kadravym partyjnym i dziaržaŭnym rabotnikam rapartavać načalstvu pra paśpiachovaje vykanańnie płanaŭ.
Ale vysielenyja akazvajuć adčajny supraciŭ i niaredka hatovyja pryniać pakutlivuju śmierć, abaraniajučy svaje pravy, padkreślivajecca ŭ dakładzie Amnesty International. Naprykład, u pravincyi Laanin u vieraśni
U intervju haziecie namieśnik dyrektara Instytuta krain Azii i Afryki MDU Andrej Karniejeŭ adznačaje, što rost kolkaści kanfliktaŭ praź ziamlu — heta pierš za ŭsio vynik imklivaj urbanizacyi Kitaja. «Sielskahaspadarčyja ŭhodździ skaračajucca, na ich miescy ŭzvodziacca fabryki, viły dla bahatych, aŭtastrady. Ale reč u tym, što dakładnych praviłaŭ acenki koštu ziamli nie isnuje», — adznačyŭ jon.
