Nahadajem, što ŭ kancy minułaha tydnia kiraŭnik krainy pravioŭ naradu, na jakoj pryniaŭ šerah kardynalnych rašeńniaŭ pa losie najbujniejšych u Biełarusi kandytarskich pradpryjemstvaŭ «Kamunarka» i «Spartak».
«Majo rašeńnie adnaznačnaje, niahledziačy ni na jakich inviestaraŭ i inviestycyjny klimat. Tamu z zaŭtrašniaha dnia pradpryjemstvy pavinnyja funkcyjanavać tak, jak raniej. Ja pakul jašče nie kažu pra doli akcyj, pracenty, fundataraŭ — ja prosta pakul kažu pra kiravańnie pradpryjemstvami. Z zaŭtrašniaha dnia kiraŭniki pradpryjemstvaŭ prymajuć rašeńnie adnaasobna, jak dziaržpradpryjemstvy, zabyŭšysia pra toje, što ŭ ich kaliści byŭ naziralny saviet. Asudžać mianie ci ŭchvalać — heta ŭžo sprava hustu».
Pryčyny…
Asnoŭnym inviestaram dźviuch biełaruskich fabryk apošnija hady byŭ pryłaščany raniej uładaj biznesoviec Marat Novikaŭ. Ciapier «šakaładny zajac» navat nie ryzyknuŭ prybyć na naradu z udziełam Łukašenki, choć byŭ papiarednie zaprošany na jaje, što dało apošniamu padstavu pieravieści jaho ŭ razrad «miarzaŭca», praŭda, užo nie łaskavaha.
Pavodle apošnich źviestak, Marat Novikaŭ ciapier adsiedžvajecca ŭ Bruklinie i, u pryncypie, užo pastaviŭ kryž na svaim kandytarskim biznesie ŭ Biełarusi.I heta vynik rašeńniaŭ, pryniatych, jak usie vydatna razumiejuć, zadoŭha da samoj narady.
Alaksandr Łukašenka nazvaŭ dźvie asnoŭnyja pryčyny, ź jakich jon vyrašyŭ dać vyśpiatka Maratu Novikavu i faktyčna pryznačanym im naziralnym savietam, jakija błakavali jak rašeńni suda, tak i žadańni ŭrada.
Pieršaja pryčyna i jana ž asnoŭnaja — sproba Marata Novikava kupić pa vielmi vyhadnaj canie pakiet akcyj SAAT «Kamunarka» i SP AAT «Spartak».
Jak zajaviŭ Łukašenka, akcyi skuplalisia biznesoŭcam u abychod zakona, ale heta nie zusim tak.
Havorka idzie pra akcyi, jakija Novikaŭ kupiŭ u byłych i ciapierašnich rabotnikaŭ fabryk u
Takim čynam,
ukaz daŭ miascovym uładam nahodu asprečyć u Marata Novikava kuplu akcyj, što i było zroblena. Zrazumieła, što haspadarčy sud pryniaŭ rašeńnie, jakoje i treba było pryniać, ale voś akcyjaniery fabryk zaŭparcilisia.
U vieraśni na SAAT «Kamunarka» adbyŭsia pazačarhovy schod akcyjanieraŭ, na jaki ŭ liku inšych byli vyniesienyja pytańni: «Ab vypusku dadatkovaj emisii akcyj i pieradačy ich va ŭłasnaść Respubliki Biełaruś», «Ab uniasieńni źmienaŭ u statut SAAT» Kamunarka» i «Ab źmianieńni kolkasnaha składu naziralnaha savieta SAAT «Kamunarka», u suviazi z tym, što pastanovaj Saŭmina namieśnik prem'
I kali z Rusym pytańnie vyrašyłasia chutka i stanoŭča, to pa pytańniach vypusku emisii akcyj i ŭniasieńnia źmienaŭ u statut akcyjaniery zaŭparcilisia.
Mahčyma, urad i prezident jašče b paciarpieli, ale da akcyjaŭ biełaruskich pradpryjemstvaŭ vykazaŭ žyvuju cikavaść ukrainski biznesoviec Piotr Parašenka, handlovaja marka — «Rašena». Hod tamu jon naviedvaŭ Biełaruś i navat pravioŭ pieramovy z uradam, na jakich jasna abaznačyŭ svaju cikavaść da dvuch biełaruskich pradpryjemstvaŭ, a ŭ traŭni 2012 hoda, užo ministr ekanamičnaha raźvićcia i handlu Ukrainy, Parašenka znoŭ pryjechaŭ u Minsk. Aficyjna — dla ŭrehulavańnia praduktovaj vajny. Ale, napeŭna, jon zakranaŭ pytańnie i pa «Kamunarcy» sa «Spartakom». Parašenku cikaviać vialikija pakiety akcyj biełaruskich pradpryjemstvaŭ. Jon hatovy zapłacić dobruju canu, ale doŭha čakać nie budzie. Mienavita tamu i spatrebiłasia farsiravać padziei z Novikavym i nabytym im sprečnym pakietam akcyj.
Druhaja ahučanaja pryčyna — naviadzieńnie paradku ŭ kandytarskaj halinie.Łukašenka zajaviŭ i pra značnyja straty na svaim rynku, i pra pravały pa prasoŭvańni na rynkach zamiežnych, i pra vypłaty niezasłužanych dyvidendaŭ (u pieršuju čarhu mienavita Novikavu) zamiest taho, kab nakiroŭvać prybytak na raźvićcio.
…i vyniki
Było skazana šmat i z pačućciom. I padviedzieny zakanamierny vynik: naziralnyja saviety razahnać, akcyi viarnuć dziaržavie, jak i patrabuje zakon, źmianić kiraŭnictva i navieści paradak.
Užo ŭ piatnicu rasparadžeńni kiraŭnika dziaržavy pačali vykonvacca — čynoŭniki prajavili cudy apieratyŭnaści. Niezrazumieła, na jakoj padstavie i ź jakich pryčynaŭ, ale dyrektary «Kamunarki» i «Spartaka» źlacieli sa svaich pasadaŭ, a na ich miescy ŭ paniadziełak pryjšli novyja, bolš rachmanyja i vykanaŭčyja.
U paniadziełak ža, paśla taho jak zapał trochi ŭlosia, kancern «Biełdziaržcharčpram» i Dziaržkammajomaść vystupili ź inicyjatyvaj praviadzieńnia pazačarhovych schodaŭ akcyjanieraŭ na SAAT «Kamunarka» i SP AAT «Spartak». Jany projduć 26 kastryčnika, i paradak dnia va ŭsich adnolkavy: «Ab uniasieńni źmienaŭ u statut SAAT „Kamunarka“ (SP AAT „Spartak“)» i «Ab abrańni składu naziralnaha savieta». Inšymi słovami,
naziralnyja saviety ŭsio ž nie buduć całkam likvidavanyja, jany zastanucca, tolki ciapier tam, jak u biełaruskim parłamiencie, buduć patrebnyja dziaržavie ludzi. I rašeńni jany buduć prymać pravilnyja, narodnyja.